Tchad: jamanakuntigi Idriss Deby Itno ka suturali kɛra bi juma a ka jamana na

Le cercueil du président tchadien Idriss Déby lors de ses funérailles nationales à Ndjamena, le 23 avril 2021.
Le cercueil du président tchadien Idriss Déby lors de ses funérailles nationales à Ndjamena, le 23 avril 2021. AFP - CHRISTOPHE PETIT TESSON

Jamanaɲamɔgɔ caman tun b'a kɛnɛ kan, o ye taasibila kɛ ka ɲasin banbagatɔ ma, n'i ka sɔrɔ k'u ka dɛmɛ ɲasin Tchad marabagaw ma, lakana sabatili kanma.

Ganseli

Bi juma, "Ndjamena", Caadi faaba ra, jamandenw ye taasibila laban kɛ "Idriss Deby" ye o ka faso tɔgɔlakɛnɛba kan. 

Caadi jamanakuntigi kɔrɔ ka saya karabali ma tɔɔ fosi to "Félix TSHISHEKEDI" ra, RD Congo, jamanaɲamɔgɔ. 

A ko, "a ma fewu, k'a fɔ nin walejugu nin ka kɛ sabu ye Deby niin bɔ a ra, o min sigaba don Caadi ka basigi ra, basigi min koo ka gɛlɛn ale ka jamana RD Congo ma kosɛbɛ, ani farafinna tɔnba yɛrɛ, ale nana min tɔgɔ ra kɛnɛ nin kan". 

i n'a fɔ ale, jamanakuntigi tan ni kelen le tun bi taasibila kɛnɛ kan ka Caadi jamandenw fo. "G5" Sahɛli jamanaw tɔgɔ ra, Burkina Faso jamanaɲamɔgɔ "Rock Marc Christian KABORE" ko "Idriss Deby" taara ka koba to, nga baara man kan ka lɔ yan. 

A ko a bi Caadi kɛlɛkuntigiba fo a ka cɛsiri la, o ye baara min kɛ ɲɔgɔnfɛ jatigɛwalekɛlaw kɛlɛli kanma, olu bina kɛlɛ min tɔɔ kɛ a tɔgɔ ra, farafinna kanubagagɛlɛn tun lo, min tun lanin bi farafinna na, an'a ka yiriwali. 

Sɔrasi bayirika le bilara ka nin jamanakafo nin kɔrɔsi. Nin baara nin kɔfɛ, jama selila "Idriss Deby" suu kan "Ndjamena" misiriba ra kasɔrɔ k'a ta k'a wolodugu sɛgɛrɛ "Amdjarass", Caadi ni Sudan dancɛ ra, suturali ka kan ka kɛ yɔrɔ min na.