Tchad: donnatɛmɛfanga ɲamaaw ye Pahimi Padacket Albert de sugandi, k'a kɛ marabajɛkulu ɲamaa ye

Tchad: marabajɛkulu kɔrɔ Pahimi Padacket Albert ka jamanaɲɛmɔgɔkalata ɲanajɛw senfɛ (Ja).
Tchad: marabajɛkulu kɔrɔ Pahimi Padacket Albert ka jamanaɲɛmɔgɔkalata ɲanajɛw senfɛ (Ja). © Madjiasra Nako / RFI

Cɛ in tun ye marabajɛkulu kɔrɔ ɲɛmaa ye Idriss Déby ka fanga wagati la ka sɔrɔ ka kɛ fangasina ye.

Ganseli

Yani a ka sugandi ka kɛ Tchad marabajɛkulu ɲamaa kura ye, Albert Pahimi Padacket tun ye cɛbɔ ye avril kalo tile 11 tɛmɛnnen jamana ɲamaa kalata la. A tun ye jɔyɔrɔ filanan sɔrɔ Idriss Déby kɛlɛn ka kunkɔrɔta sɔrɔ. Sani cɛ in ka fangasinaya kɛ, a ye baara kɛ ni Idiss Déby Itno ye ka taa san  28 kɔnɔ. 

A kɔnna ka kɛ nafolo ko minisiri ye ka sɔrɔ ka kɛ jago ko minisiri ye. San 2001,  Padacket sugandira ka kɛ petɔrɔli minisiri ye ka sɔrɔ ka kɛ wasaden ye san 2002 politikitɔn "RNDT le réveil" la. San 2006, a y'a kanbɔ jamanaɲamaya nɔfɛ. O kɔfɛ, Albert Pahimi Padacké sugandira ka bila minisiriso wɛrɛw kunna. 

San 2016, Albert Pahimi Padacket kɛra Tchad marabajɛkulu ɲamaa ye. Idriss Déby y'a ka baara lalɔ san 2018 ka tila ka marabajɛkulu ɲamaya jɔyɔrɔ wuli kabɔ peyu jamana kɔnɔ. 

Ntɛnɛdon in na, o jɔyɔrɔ in Padacket seginna kokura, Déby dencɛ ka fanga na. A si bɛ san 54 na.