Mali: sɔrasiw y'a lase kunu k'u ye jatigɛwalekɛla 26 de faga jamana camacɛyanfan na

"Force Barkhane" kɛlɛcɛw Mali la (ja).
"Force Barkhane" kɛlɛcɛw Mali la (ja). © AFP/File

O kɛra ni Faransi kɛlɛ bolo "Barkhane" ka dɛmɛ ye.

Ganseli

Mali kɛlɛbolo ɲɛmaa de ye ni kunnafoniya di kunu a ka dantigɛli sɛbɛn dɔ kɔnɔ. Min na a fɔra ko Mali sɔrasiw ni Faransi kɛlɛ bolo Barkhane ka sɛgɛ-sɛgɛliw taara bɔ jatigɛwale kulu dɔ kan Niono mara la, jamana in camacɛyanfan na.

K'o jatigɛwale kulu tun ye janda dɔ tɔgɔ ta sibiri don tɛmɛnen in na, nka kunnafoniya wɛrɛ madi o janda in kan dantigɛlisɛbɛn in kɔnɔ.

Ntɛnɛdon Mali sɔrasiw Barkhane jɛra ka taga cun o jatigɛwalekɛla jandala ninnu kan, kasɔrɔ k'u gosi, Alatona fan dɔ la, ye ni Mauritanie dancɛ bɛ taga kilomɛtɛrɛ 75 de la.

Sali kɔ de a dɔnna kafɔ jatigɛwalekɛla mɔgɔ 26 de bɔra baara la pewu.

Kɛlɛ bolo ɲɛmaa y'a lase fana k'a cɛdenw sera ka u jugu ka mobili fila ciyɛn ani k'u ka kɛlɛkɛ minɛn caman bɔsi u la. Nka a ko Mali ni Barkhane ka fan na hali kala ma mɔgɔsi wagasi.