Tchad: mɔgɔ caman nin tora kunu wulikajɔw la, jamana in kɔnɔ

Tchad, Ndjamena, avril kalo tile 27, wulikajɔw jamana in faaba la, ani a tilebinyanfan na, ka kɛɲɛ ni donnatɛmɛfanga sigilen ye.
Tchad, Ndjamena, avril kalo tile 27, wulikajɔw jamana in faaba la, ani a tilebinyanfan na, ka kɛɲɛ ni donnatɛmɛfanga sigilen ye. AP - Sunday Alamba

Tchad jamana na, kunu wulikajɔw senfɛ mɔgɔ duru ɲɔgɔn de bɔnɛ na u nin na jamana faaba yɛrɛ la Ndjamena ani jamana tilebinyanfan fɛ. Jamanaden dɔw tun bɔra k'u ka nisɔnkoya jira sɔrasiw la, ko fanga ka segin siviliw ma.

Ganseli

Kunu tileganfɛ, "Général" Mahamat Idriss Deby min bɛ Tchad kunna bi, a ka kumaw la Tchad jamanadenw fɛ, a y'a jira kafɔ, sigikafɔ bɛna kɛ jamanadenw bɛɛ lajɛlen ni ɲɔgɔncɛ yasa bɛn ni basigi ka se ka sɔrɔ u ka jamana kɔnɔ, a kumana fɛn caman wɛrɛw kan i n'a fɔ min ye Tchad kafɔ Tchad bɛɛ bɛna to a jɔyɔrɔla jatigɛwale kɛlɛli la, a ko ni dɔ ma fara o kan fosi tɛna bɔ o la.

Mahamat Idriss Deby ka ninnu kuma ninnu bɛɛ la, adamadenw tun wulikajɔ minnu tun bɛ senna o waati yɛrɛ jamana faaba n'a tilebinyanfan na. Kasɔrɔ o wulikajɔw kɛra sababu ye ka mɔgɔ dɔw bɔnɛ u nin na.

Baɲumakɛtɔn "Convention Tchadienne de Défense des droit de l'homme , CTDDH" kafɔ la, mɔgɔ minnu nin tora wulikajɔ in na a ka can ni hakeya fɛn o fɛn bɛ ka fɔ ye. Wulikajɔ in tun ma yamaruya Tchad marabakuraw fɛ, Nka o bɛɛ la fangasinaw n'u nɔfɛ mɔgɔw bɔra o de la u ni polisiw karilaɲɔgɔnna.

RD Congo jamana ɲɛmaa ni Faransi ta ɲɛmaa Emmanuel Macron ye polisiw ka waleya in kɔn ka ɲɛsin wulikajɔkɛlaw ma, u tila la k'a ɲini ko Tchad donnatɛmɛfanga in ka kɛ basigi kɔnɔ. Tchad banbanci kulu "Fact" fana ye dantigɛlikɛ kafɔ k'u tɛna jɛn n'a ye tuguni Tchad jamanadenw ka faga fu la.