Tchad: fangasinaw ka nin dɔgɔkun wulikajɔw senfɛ mɔgɔ 650 ɲɔgɔn de minɛna lakandatigilamɔgɔw fɛ

Tchad, Ndjamena avril kalo tile 27, wulikajɔkɛlaw tun ye jamana in faaba minɛn, mɔgɔ duuru bɔnɛ na u nin na, dɔw fana minɛna lakandatikilamɔgɔw fɛ.
Tchad, Ndjamena avril kalo tile 27, wulikajɔkɛlaw tun ye jamana in faaba minɛn, mɔgɔ duuru bɔnɛ na u nin na, dɔw fana minɛna lakandatikilamɔgɔw fɛ. AP - Sunday Alamba

Tchad jamana na, fangasinaw ka nin dɔgɔkun wulikajɔw senfɛ mɔgɔ 650 ɲɔgɔn de minɛna lakandatigilamɔgɔw fɛ. U bɛɛlajɛlen ka kow bɛ sariya ka bolokan ni waati in na. Kunnafoniya in dira kunu de Ndjamena jamana tɔgɔla kiritigɛla fɛ. Dɔw labilala u cɛla kaban.

Ganseli

Wulikajɔw ninnu daminɛna taratadon de, fangasinaw ni jamanadenw tɔgɔla tɔn dɔw fɛ.

O laɲini tun ye sɔrasiw ka fanga bila. Nka wulikajɔ in tun ma yamaruya donnatɛmɛfanga marabaaw fɛ, o kama polisiw ye ɲɛjibɔ gaziw ci u la. O senfɛ mɔgɔ duuru ɲɔgɔn de bɔnɛ na u nin na.

Taratadon kelen in dɔrɔn la mɔgɔ kɛmɛwɔrɔ ɲɔgɔn  minɛna polisiw fɛ. A dugusajɛ araba fana, wulikajɔkɛlaw y'a ɲini kabɔ tuguni, nka u ma se ka faraɲɔgɔnkan ka ɲɛ. Mɔgɔ 58 minɛna o fana senfɛ Tchad faaba N'djamena dɔrɔn kɔnɔ. Nka jamana tɔgɔla kiritigɛla Youssouf Tom kafɔla, mɔgɔ minɛnen ninnu bɛɛ bɛ ka tɛmɛ kelen kelen sisan kiritigɛlaw ɲɛma ka ɲɛfɔlikɛ. U dɔw sera ka sira sɔrɔ kaban ka taga u ka so, nka ulu hakeya kelen kɔni ma fɔ a fɛ.

Nin dɔgɔkun wulikajɔkɛla ninnu tun bɛ ka Faransi fana jalaki kafɔ a bɛ ka dɛmɛdon sɔrasiw ma. Halini Faransi jamana ɲɛmaa Emmanuel Macron ye wulikajɔkɛlaw jɛnsɛni waleya kɔn, jalakiba kan halisa, fangasina dɔ ka fɔla, Macron kelen pewu de kɛra jamana ɲɛmaa ye tubabula min ye ɲɔgɔnye kɛ ni Tchad donnatɛmɛ fangaɲɛmaa Mahamat Idriss Deby ye, k'ulu tɛ se k'o famu cogosila.