Niger: jatijɛwalekɛla mɔgɔ 24 fagara sɔrasiw fɛ

Niger sɔrasiw, u ka lakanda dɔ senfɛ, san 2015 (ja).
Niger sɔrasiw, u ka lakanda dɔ senfɛ, san 2015 (ja). © Lekan Oyekanmi/AP

Niger jamana na, jatigɛwalekɛla mɔgɔ 24 de ka boli bana pewu. U tun minɛna sɔrasiw fɛ jamana tilebinyanfan na Niger ni Mali dancɛ la. Kunu dantigɛlisɛbɛn dɔ kɔnɔ Niger marabaw y'a yira kafɔ o jatigɛwalekɛla ninnu y'a ɲini ka boli o de senfɛ sɔrasiw y'u bɛɛ bɔnɛ u nin na. 

Ganseli

Nin ko in bɛɛ sɔrɔla cogomina, Niger lakandatigilamɔgɔ minnu bɛ baarakɛ gundon la, Avril kalo tile 28 u ye kunnafoniya sɔrɔ kafɔ jatigɛwalekɛla caman faralen don ɲɔgɔn kan Chinegodar dugu yɔrɔ dɔ la, Tillabery mara la.

O jatigɛwalekɛla ninnu tun bɛ fɛ ka taga bin Banibangou dugu de kan. Niger sɔrasiw fana bila ka suma fosi don a ko la, u ye kɛlɛ kulu dɔw wuli teliyala ka se yen, ka jatigɛwalekɛla ninnu ka fɛɛrɛ ciyɛn u bolo.

Niger kɛlɛ bolo minisiriso ka dantigɛlisɛbɛn kɔnɔ u ka sɔrasiw n'u juguw ye waatijan kɛ ka mugu wuli ɲɔgɔnna. O kɔ u k'u sera k'u tɛgɛda jatigɛwalekɛla 26 de kan, kelen tun jogilen don ka juguya. A laban na ka bɔnɛ a nin na Avril kalo tile 29.

O don kelen su k'a dugujɛ Avril kalo tile 30 la, jatigɛwalekɛla ninnu sera k'u kɔlɔsilibaga dɔ ka marifa minɛ a la, kasɔrɔ ka ɲini ka boli. O senfɛ Niger sɔrasiw ye kisɛ ci sanfɛ k'u bagabaga , nka o bɛɛ la u ma sɔn k'u jɔ. Niger sɔrasiw fana m'u yɛrɛ minɛ tuguni u ye mugu wuli u la ka mɔgɔ 24 bɔnɛ u nin na o yɔrɔ bɛɛ la. U dɔ la kelen sera ka boli.

Sɛgɛsɛgɛliw bolodara ka se k'a ko bɛɛ ɲɛdɔn.