An ka laseli filana "Tchad" jamana kunkankow kan

"Tchad" jamanɲɛmɔgɔ Idriss Deby Itno (kinin fɛ) bɛ ka ɲɔgɔn di sɔrasiw ka ɲɛmɔgɔ min n'a ka kɛlɛcɛw tun taara kɛlɛ kɛ Mali ka, Oumar Bikimo ma (kinin fɛ) ani kɔmandan ni kɔmandan dankan  Mahamat Idriss Déby Itno, Idriss Déby dencɛ (camacɛ la), u seginen kɔ "Tchad" . Ndjamena, mai kalo tile 13, san 2013.
"Tchad" jamanɲɛmɔgɔ Idriss Deby Itno (kinin fɛ) bɛ ka ɲɔgɔn di sɔrasiw ka ɲɛmɔgɔ min n'a ka kɛlɛcɛw tun taara kɛlɛ kɛ Mali ka, Oumar Bikimo ma (kinin fɛ) ani kɔmandan ni kɔmandan dankan Mahamat Idriss Déby Itno, Idriss Déby dencɛ (camacɛ la), u seginen kɔ "Tchad" . Ndjamena, mai kalo tile 13, san 2013. © AFP

Bi an ka laseli filana "Tchad" jamana kan, an bɛna kuma banbanci kulu suguya minnu fɔra ɲɔgɔnkɔ jamana in yɛrɛmahɔrɔnya tali ni bi cɛ.

Ganseli

Dr Evariste Ngalerm Tolde

"Tchad" ka yɛrɛmahɔrɔnya tali ni bi cɛ, banbanci kɛlɛ bɛ i n'a fɔ, san o san gerenbɔ. Dɔ bɛ tunu, dɔ wɛrɛ bɛ poyi kabɔ. Dr Evariste Ngalerm Tolde ye "Tchad" jamanaden ye, wa politikiko dɔnbaga ŋana don. A b'o de ɲɛfɔ an ye.

Dr Evariste Ngalerm Tolde

San tan ni saba o kɔ, kɛlɛ wɛrɛ wulila "Tchad", kɛlɛkulu ni politikitɔn tan ni fila de tun karilen don ɲɔgɔnna. San 1969 banbanci kulu dɔ poyira jamana kɔgɔduguyanfan fɛ, o ɲɛmaaya tilala k'a di Husen Habre de ma. Gougouni min bɛna kɛ donnatɛmɛfanga kunna ka ta san 1980 ka se san 1982 ma, ale fana ka fanga bɛ dafiri Hussen Habre fɛ. A bɛ to fanga la fɔ 1990 yani fana ka gwen a yɛrɛ ka sɔrasiw ɲɛmaa fɛ, O tɛ mɔgɔ wɛrɛ fosi ye Idriss Deby kɔ. 

Idriss deby ma se ka fanga ta nɔgɔya la a wajibiyara ka bɛnkan sɔrɔ ni banbanci kulu dɔw de ye Evarriste Garlem Toldo kafɔ la.

Evarriste Garlem Toldo

Kulu saba de y'u tɛgɛdi ɲɔgɔn ma, Idriss deby ka kulu, Maldom Bad Abass ta ka fara Dadita Beatuman ka Fac kɛlɛkulu kan. Ninnu saba de ye MPG tɔn sigi.

Ale Idriss Deby yɛrɛ ka san bisaba fanga kɔnɔ banbanci kɛlɛ ma se k'a mada, halinin u tun ma se ka fangaba sɔrɔ Faransi sababu la. Bi o banbanci kɛlɛ kelen de bɛ senna.