Tchad: donnatɛmɛfanga ɲɛmaa Mahamat Idriss Deby Itno y'a ka tagama fɔlɔ kɛ Niger jamana de la

Mahamat Idriss Déby, Tchgad donnatɛmɛfanga ɲɛmaa, ja in tara a fa Idriss Debu Itno ka janaja kɛnɛ de kan, awirili kalo tile 23, san 2021.
Mahamat Idriss Déby, Tchgad donnatɛmɛfanga ɲɛmaa, ja in tara a fa Idriss Debu Itno ka janaja kɛnɛ de kan, awirili kalo tile 23, san 2021. AFP - CHRISTOPHE PETIT TESSON

A tagara u dafɛ jamana Niger de. Yen, ani Niger jamana ɲɛmaa Mouhamed Bazoum ye ɲɔgɔnye kɛ. O kɔ Tchad sɔrasi ba kelen ni kɛmɛ fila minnu  bɛ Niger dugukolo kan Tera dugu la jatigɛwale kɛlɛli la, "G5 Sahel " hokumu kɔnɔ.  Mahamat Deby Itno taga la bɔ ulu fana ye. 

Ganseli

"An nana Niger kana fɔli kɛrɛnkɛrɛnnen bila jamanaɲɛmaa Mohamed Bazoum la.

K'a fɔ k'a barikada. Kabini an ka jamanaɲɛmaa Marechal Idris Deby fatura a ka dɛmɛ dɔrɔn de sera an ma."

Tchad donnatɛmɛ fanga ɲɛmaa Mahamat Idriss Deby ye ni kumakan ninnu de fɔ Niger kunnafonidilaw ɲɛma a kɛlen kɔ ka ɲɔgɔnye kɛ ni Niger jamanaɲɛmaa Mouhamed  Bazoum ye. A tila k'a fɔ k'a  nakunba dɔ fana ye k'u ka sɔrasiw senkɔrɔmatintin, ulu minnu ba kelen ni kɛmɛ fila de bɛ Niger dugu kolo kan kɛrɛnkɛrɛn na Tera dugu kɔnɔ.

Kasɔrɔ tile kelen ka kɔn Mahamat Idriss Deby ka ni tagama in ɲɛ, Tchad kɛlɛbolo ɲɛmaa y'a lase k'u ka sɔrasiw ye "Fact" banbanci kulu jolokari pewu. F'u ka sɔrasiw yɛrɛ seginna Ndjamena Tchad faaba la, o kɛra ɲɛnajɛ ninsondiya de kɔnɔ.

Niger jamanaɲɛmaa Mouhamed Bazoum yɛrɛ de sugandira "G5 sahel" jamanaɲɛmaaw fɛ a ka soronalidon kɛ "Fact" banbanci kulu ni Tchad marabaaw cɛ. Niger jamanaɲɛmaayaso fana tun y'a lase "Avril" kalo laban in na kafɔ k'o bazoum kan ka latigɛ dɔ ta o hokumu kɔnɔ.