RD Congo: muso mugan ni kɔ ko cɛ dɔ delila  k'ulu diyaogoya ka jɛ n'u ye ka sɔrɔ ka baara d'u ma

RDC, san 2016 (ja jira ta dɔ).
RDC, san 2016 (ja jira ta dɔ). AFP - JUNIOR KANNAH

O kuma fɔra  sɛgɛsɛgɛli dɔ kɔnɔ, min kɛra jamana kɔrɔyanfan na. Sɛgɛsɛgɛli in jaabi bɔra kunu. Jalaki ninuu caaman ɲasinlen bɛ mɔgɔdɛmɛtɔnw ka baarakɛlaw de ma, minnu tun sigikun ye ka Ebolabana kɛlɛ. 

Ganseli

Tɔn wolonfila, jalaki lanin bɛ olu ka baarakɛla dɔw le kan, k'u y'u yɛrɛ daamu Butɛnbu dugu musow ra, baaraɲinibagaw. O cɛma, diɲɛ tɔnba bolofara saba, "OMS",  kɛnɛyako tɔnba, Unicef, diɲɛ tɔnba bolofara min bi denmisɛnw ka koo filɛ, ani "OIM", bolofara min bi mɔgɔ foolen kunna.

RDC kɛnɛya minisiriso yɛrɛ, ani mɔgɔdɛmɛtɔw wɛrɛw b'o dafa. Sɛgɛsɛgɛli nunu kɛra tɔɔn fila fɛ Butɛnbu, TNH, The New humanitarian, ani Thomson Reuteurs Foundation.  Dugu nin na, Ebolabana  ye mɔgɔ waa fila ni kɛmɛ fila bɔnɛna o niin na a k'a ta saan 2018 ka n'a bila saan 2020 na, Diɲɛ kɛnɛyako tɔnba OMS, min tun lɔra n'a koo belebele, jalaki fanba lara ale ka baarakɛlaw le kan.

Muso , tan ni naani y'a yira k'a fɔ cɛɛ minw ye layidu ta olu ye, k'o bi baara ke OMS le ra. O kelen labanna ka bɔnɛ a niin na, a kɛnin kɔfɛ k'a fɔ k'a ba kɔnɔ tiɲɛn, a ye  kɔnɔbara barinin sɔrɔ, a cɛɛ tun ti min kalama.

OMS k'a bina fɛɛrɛ kologirimanw ta a yɛrɛ ka baarakɛlaw kanma, ni sɛgɛsɛgɛliw nana sɛmɛntiya k'a fɔ minw seen bi koo nin na.