"Tunisie": tungatala dɔw ka kurun dafiri la, u bɔtɔla "Lybie" k'u kunda "Europe" kan

(Ja jira ta dɔ).
(Ja jira ta dɔ). AP - Marco Ugarte

Mɔgɔ tan ni kɔnɔtɔn de tun bɛ kurun in kɔnɔ. 17 tunulen don halisa u ma ye. Fila tɔ in dalen bɛ dɔgɔtɔrɔso la, "OIM" diɲɛtɔnba ka bolofara min bɛ tungarankew ka hakɛ lakɔlɔsi de ye nin kibaruya in di. 

Ganseli

Tungaranke minnu yera, u fila bɛɛ ye "Niger" jamanadew de ye. U lu sera ka lakisi "Tunisie" lakanabaw de fɛ "Sfax" dugu kɔgɔji sanfɛ tajibɔyɔrɔ dɔ kɛrɛ fɛ. O y'a sɔrɔ u fana sɛnɛgɛna kɔsɔbɛ, o de kama u dalen bɛ dɔgɔtɔrɔso la nin wati in na.

"OIM" ka kuma lasela Safa Msehli kafɔla o tunkaranke fila in de y'a fɔ k'u mɔgɔ 19 de tun bɛ kurun in kɔnɔ. Nin ta siyɛn fɔlɔ ye ni kasara sugu ka kɛ, "Tunisie" lakanatigilamaw bɛ dɛmɛdon kumabɛ tunkarankew minnu bɛ bɔ "Libye" k'u kunda "Europe" kan "mediteranienne" kɔgɔji sanfɛ.

Nka nin bɛɛ la "Tunisie" yɛrɛ jamadenw bɛ ka caya ka kɔgɔji kelen in sira minɛ. Kabini bana sera jamana in kɔnɔ, a kɛra sababu ye ka sɔrɔko gɛlɛya ka se hakɛ dɔ ma min ɲɔgɔn tun famana ka kɛ. Nin bɛɛ y'a to bi tunkaranke batan ni fila ni kɔ minnu sera "Italie" ka ta "Janvier" kalo la kana bila sisan nan kɛmɛ-kɛmɛ sarala "Tunisie" jamanden ye 15 de ye. Mɛ kalo daminɛ in dɔrɔ na, tunkaranke mɔgɔ 1. 400 de sera "Italie" Lampedusa dugula.