Jɔn ye Choguel Kokalla MAIGA ye ?

Choguel Maïga, Mali marabajɛkulu kura ɲɛmɔgɔ.
Choguel Maïga, Mali marabajɛkulu kura ɲɛmɔgɔ. AFP - ANNIE RISEMBERG

Donnatɛmɛfanga ɲɛmɔgɔ, Assimi Goita y'a ka kalenkandi kɛ bi. O kɔfɛ,Choguel Kokalla Maiga delɛ sugandila ka kɛ marabagajɛkulu ɲɛmɔgɔ ye. Jɔn ye Choguel Kokalla Maiga ye, Mali marabagajɛkulu ɲɛmɔgɔ kura.

Ganseli

Choguel sii ye san biwɔlɔfila ni saba ye, a bangela Tabango Gao mara kɔnɔ. A kɛlen kɔ ka Bac sɔrɔ Bamako a taa la Moscou Russie jamana na, ka taga nɛgɛjuru siraw kalan kɛ na bɛ fɔ a ma "télécommunication". San ba kelen ni kɛmɛ kɔnɔtɔn ani bisegi ni segin a y'o dɔniya sɛbɛn sɔrɔ (Doctorat.)

 Mali jamanakuntigi kɔrɔ Moussa Traoré masuruyanmɔgɔ don. A kɛla politikitɔn "mouvement patriotique pour le renouveau" ɲɛmɔgɔ ye.

 San ba fila ni fila kɔnɔ, a ye talikɛ jamanakuntigikalata la. O kalata in yɛrɛ tako filana, a ye a ka dɛmɛ di jamana ɲɛmɔgɔ kɔrɔ Amadou toumani touré  ( ATT) ma.  A ye minisiriya jɔyɔrɔ caman kɛ ATT tile la. 

O kɔ, a kɛla faso cakɛda min bɛ nɛgɛjurukow ni arajo kow ɲɛnɛbo, AMRTP ɲɛmɔgɔba ye. A tora o ɲɛmɔgɔya la, fɔ, jamana ɲɛmɔgɔ kɔrɔ Ibrahim Boubacar Keita sigili kɔ fanga la. 

Choguel sɔrɔla ka kɛ minisiri ye IBK ka sarati fɔlɔ la. A wulila ka bɔ o jɔyɔrɔ la, juillet kalo san ba fila ni tan ni wɔrɔ. Choguel Kokala Maiga bɛ M5 sigibagaw cɛla. 

Jɛkulu min ye IBK ka fanga kɛlɛ fɔ ka dafiri. Bi a sugandira, k'a kɛ  Colonel Assimi Goita ka marabaga jɛkulu ɲɛmɔgɔ ye.