Burkina Faso: kunnafonidisow kɔlɔsi cakɛda "CSC" ye ɲangili da Oméga kunnafonidiso kan

Nɛgɛjuru siraw
Nɛgɛjuru siraw © Pixabay

U ka baaraw bɛ sɔnsɔri tile duuru kɔnɔ k'a daminɛ arabadon in na. Kunnafoniidiso in jalaki la k'a ye kunnafoni dɔ cari min kun tɛ tiɲɛn ye.O ma bɛn Oméga ɲɛmaaw ma ali n'u ye fili lakodɔn. Kasɔrɔ Burkina Kunnafonidisow kɔlɔsi cakɛda ka sariya kɔnɔ, ɲangiliw bɛ daminɛ ni kalo kelen baara sɔnsori de ye , ka yɛlɛ fɔ ka se kunnafonidiso datugu ma.

Ganseli

Solhan dugu ka fagalijugu don dugusagwɛ, Oméga kunnafonidiso ye kunnafoni cari a ka arajoso ni bɔlɔlɔ siraw kan ko sereya dɔ y'a fɔ u ye ko jaatigɛwalekɛlaw ye dugutaga mɔbili dɔ lalɔ ani k'a kɔnɔ mɔgɔ 47 bɛɛ faga.

O kunnafoni m'a kɛ tiɲɛn ye. O de kɔsɔn kunnafonidisow kɔlɔsi cakɛda "CSC" ye oméga kunnafonidiso ɲangi.

Alexis Konkobo

Ka kunnafoni  kun ma sɛmɛtiya, an y'a ye ko filijuguba de don, baarajuguba don. Kunnafonidisow kɔlɔsi cakɛda ka lasigidenw ye ɲɔgɔn karabani kɛ.

U y'a latigɛ ka kunnafoni cakɛda in ka baaraw sɔnsori tile 5 kɔnɔ, n'a bɛ daminɛ arabadon su.

Oméga kunnafonidiso y'a lakodɔn ko fili y'u sɔrɔ sabu la kunnafolidilaw ɲɛmaa ka baara lasala a dafɛ. Nka, ɲangi in damatɛmɛna, a ɲɛmaa Ouezzin Louis Oulon ka fɔla.

Ouezzin Louis

CSC ladilikɛla Alexis Konkobo y'a lakan ko kunnafoniso minnu ye Oméga kunnafonidiso ka kibaruya kolon in jɛnsɛn kankarimada bɛna lase u ma.