Emmanuel Macron "Faransi sɔrasiw ka baara bɛna yɛlɛma kɔsɔbɛ sahɛli kɔnɔ"

Emmanuel Macron, Faransi jamanakuntigi ka lase kɛrɛnkɛrɛnnen ka ɲɛsin "Forces barkhanes" ka baara yɛlɛmali ma sahɛli jamanaw kɔnɔ. Juin kalo tile 10, san 2021, Élysée ɲɛmaayaso la.
Emmanuel Macron, Faransi jamanakuntigi ka lase kɛrɛnkɛrɛnnen ka ɲɛsin "Forces barkhanes" ka baara yɛlɛmali ma sahɛli jamanaw kɔnɔ. Juin kalo tile 10, san 2021, Élysée ɲɛmaayaso la. © AFP/Pascal Rossignol

Emmanuel Macron faransi jamana ɲɛmaa y'a yira dantigɛli dɔla bi wula in na ko Faranci ka kɛlɛ bolo Barkhane ka baaraw bɛna kuncɛ kɛlɛ daga kɔnɔ. U ka baaraw bɛna falen ni sodasi baaraɲɔgɔnyaw de ye min bɛ lase Sahel jamanaw ma.

Ganseli

Emmanuel MACRON

Barkhane kɛlɛbolo ka baaraw bɛ kuncɛ, ka baara wɛrɛ sigi min bɛna kɛ dɛmɛbolo ye, ani bilasirali baarada ye, ka di sahɛli jamanaw ma, minnu ma fɛ.

Emmanuel MACRON bɛ ɲɛfɔli kɛ Barkhane kɛlɛbolo ka baara yɛlɛma kan

Emmanuel MACRON

An bina sigikafɔ dɔw kɛ n’a jɛnɲɔgɔn ye, kɛrɛnkɛrɛnniya ra amerikɛnw, olu min bi baaraba kɛra kabi nin koo nin daminɛ na, wa n b’u fo o ra, ka fara an jɛnɲɔgɔn minw bi eropu EUTM hukumu kɔnɔ, an bɛna yɛlɛmaniba dɔ kuma fɔ ka taga an ka sɔrasiw ka baaraw kan sahɛli, o kɛwati n’a kɛcogo bina fɔ lɔgɔkun nataw ra, a bina kɛ baara kura le bila nin ye.

O kɔrɔ ko ka "Barkhane" kɛlɛbolo ka baara  bi kuncɛ, ka baara wɛrɛ sigi, min bina kɛ dɛmɛbolo ani bilasiralibaarada ye ka di sahɛli jamanaw ma, minw b’a fɛ, ani ka kɛlɛbolo wɛrɛ sigi ni bɛnkan belebe min b’an ka baaraɲogɔn bɛɛ lajɛn, minw jijanin lo jatigɛwalekɛlaw kɛlɛli ra.

O baarabolo kura bi janto an ka layiduw ra, an ye minw ta ni an jɛɲɔgɔnw ye, anw ni minw bi ɲɔgɔn fɛ Takuba kɛlɛbolo kɔnɔ, ani EUTM, olu min ka sannayɛlɛ ka kan ka to senna. EUTM bi kɛ jamana nunu bɛɛ ka kɛlɛbolo dɔ ye, nka, Takuba, ale bi kɛ nin fanga kura nin  lɔsen ye ka jatigɛwalekɛlaw kɛlɛ.