Burkina Faso: jamanaɲɛmaa Rock Marc Christian Kaboré ka jatigɛwale kɛlɛ fɛɛrɛw

Burkina kɛlɛcɛ dɔw u ka sɔrasi fini na, Burkina jamana kan.
Burkina kɛlɛcɛ dɔw u ka sɔrasi fini na, Burkina jamana kan. AP - Sophie Garcia

Kabini jamanaɲɛmaa Rock Marc Christian Kaboré ye fanga ta san 2015, jatigɛwalew tɛ ka kɔtigɛ. Fɛɛrɛ caman de tara nka alibi o si tɛ ka wasa kɛ lakana ma basigi fɔlɔ. O fɛɛrɛ ninnu ye jumɛn ni jumɛn ye, mun kama o tɛ ka wasa kɛ?Dɔgɔkun kɔnɔ don o don an bɛna o jabi dɔ di aw ma. Bi an biɛ kuma fɛɛrɛ min kan o ye kɛlɛbolo kura "Forces spéciale" sigili ko ye. Burkina marabaaw y'a latigɛ ka kɛlɛbolo kura "Forces Spéciales" bila senkan. A ka baaraw bɛna kɛ jumɛn ye? 

Ganseli

Burkina Faso marabaaw y'a latigɛ juin kalo tile 2 don ka kɛlɛbolo kura bila senkan sanko ka jatigɛwalekɛlaw kɛlɛ. O kɛlɛ bolo kura "Forces Spéciales" bɛna fara kɔrɔmanw kan. Olu tɛ sera k'u jɛniyɔrɔ fin lakana basigi la. Mun bɛ kɛlɛbolo kura in bɔ kɔrɔmanw na? Mamadou Savadogo ye lakana ko donbaga ye.  

Mamadou Savadogo

Danfara ye min ye, "Force spéciale" kɛlɛbolojuru tɛna siri sorasi ɲɛmaa si la ni jamana ɲɛmaa dɔrɔn tɛ. Kasɔrɔ Kɛlɛbɔlɔ "Force spéciale" tɔw  juru sirilen don u ka sorasi ɲɛmayaso ma. u ka baaraw la, u bɛ ka ta jamana fan bɛɛ la kasɔrɔ kɛlɛbolo tɔw tun tɛ se ka taa yɔrɔ bɛɛ la.

Kabini jamanaɲɛmaa Rock Marc Christian Kaboré ye fanga ta san 2015, jatigɛwalew tɛ ka kɔtigɛ. Nka sisan dɔrɔn de kɛlɛbolo "Forces spéciales" sigiko fɔra.

Mamadou Savadogo ka fɔla, o tɛ gwansan ye. 

I bɛ taa sɔrɔ ɲɔgɔn famu ma sɔrɔ kɛlɛcɛw ni ɲɔgɔncɛ walima latigɛ ta baliya. O de y'a kɛ jamana ɲɛmaa yɛrɛ ye kow taa jatigɛwale kɛlɛli la. O ye hakilila fɔlɔ ye, hakilila filanan, i b'a sɔrɔ Barkhane tagali de kɔsɔn. Barkhane bɛ kɛlɛkɛ Sahɛli la. A bɛna bila Barkhane de nɔna nka jamana dɔrɔn kɔnɔ.

Burkina lakanako dɔnbaga in ko kɛlɛbolo "Forces Spéciales" ka kunkɔrɔta sɔrɔ bɛna bɔ a ka minan ɲumanw ani a ka teliya de la ka se kɛlɛ kɛnɛw kan.