RD Congo: banbaanciw binaani ni fila sara kariɲɔnnaw senfɛ ni RDC sɔrasiw ye

RD Congo sɔrasiw.
RD Congo sɔrasiw. © AFP - ALEXIS HUGUET

Ulu fana mɔgɔ fila niin tora wale ninnu na.  kɛlɛ dabɔra kokura Ituri u ni ɲɔgɔn cɛ mara la. O kɛra sababu  jamanden dɔw bolila ka taga u yɛrɛ kalifa diɲɛ tɔnba ka kɛlɛcɛw ma.

Ganseli

Kabi sibiri tɛmɛnin, KODEKO banbaanciw le bi benna RDC finitigilakaw kan, Ituri n'a dafɛduguw ra, kunnafoniw ye min yira.  Kunu araba, tun y'a siɲɛ duurunan ye, kariɲɔgɔnnaw ka sɔrɔ o ni ɲɔgɔn cɛ.

Kodeko ye maraden dɔw ka tɔɔn ye, minw farara ɲɔgɔn kan, Kongo yiriwali kanma, o yɛrɛ ka fɔɔ ra, coopérative pour le développement du Congo. Fɔlɔ ra, o tun bi lendu siyaw le lafasa, bawo o ko siya wɛrɛw bi to ka baga o ma, minw ye hemaw ani aluriw ye. 

Nin seen nin na, o ye mugu ci Jamana nin kɛlɛcɛw ra, kasɔrɔ Ituri bilara sɔrasiw ka mara ra kabi mɛkalo daminɛ, ale ni Nord kivu mara. Kɛlɛw bi kɛra dugu min na, Fataki, banbaanciw y'o minɛ, siɲɛ saba ɲɔgɔn, ni kɛlɛcɛw bi tila k'a bɔsi o ra. seere dɔw ye min yira. 

Seerew ka fɔɔ ra fana, RDC sɔrasiw ka bɔnɛ juguyara ka tɛmɛ banbaanciw ta kan, o ma sɛmɛntiya fɔlɔ faan fila fosi fɛ. 

Fakatikaw caaman bolila ka t'o yɛrɛ kalifa Diɲɛ tɔnba ka lakana sabati sɔrasiw ma.