Côte d'ivoire: jamanaɲɛmaa kɔrɔ Laurent Gbagbo y'a ka bɔli fɔlɔ kɛ kɛnɛ kan

Cote d'Ivoire jamanakuntigi kɔrɔ Laurent Gbagbo, a ka "FPI" politigitɔn na, juin kalo tile 17, a seginnen kɔ a ka jamana kan.
Cote d'Ivoire jamanakuntigi kɔrɔ Laurent Gbagbo, a ka "FPI" politigitɔn na, juin kalo tile 17, a seginnen kɔ a ka jamana kan. © REUTERS - MACLINE HIEN

Kabini a seginnen Abidjan Alamusa tɛmɛnen, a tun bɛ yɛrɛ lafiya la, kunu a yera Allah bato kɛnɛ dɔ kan "Eglise" dɔ la, Plateau kin na. U k'a fɔla ko makanw bɛ ka kɛ lada ye u ka jamana kɔnɔ. K'o misaliya dɔ yera ale segidon yɛrɛ la.

Ganseli

Dantigɛlisɛbɛn dɔ kɔnɔ, Laurent Gbagbo y'a foli n'a ka tanu la se Cote d'Ivoire jamanadenw bɛɛ ma kɛrɛnkɛrɛnna ka ɲɛsin sifinlakaw ma. A k'u bɔra ka caya kataga a kunbɛn a na don, k'o halin'a makɛ nɔgɔya kɔnɔ. Kadakan a ka fɔla mɔgɔ caman de joginna wa dɔw fana minɛna polisiw fɛ.

A ka weele kɛra k'o ka mɔgɔ minɛnen ninnu bɛɛ labila. K'o bɛn sira bɛ tagama o cogoya de la. N'o tɛ Gbagbo k'a le jɔrɔlen don, ko makanw bɛ ɲini ka kɛ laadala ko ye. Cote d'ivoire jamanaɲɛmaa kɔrɔ in ka dantigɛli sɛbɛn in kɔnɔ min jɛsɛn na a ka kuma lasela Justin Katina Koné fɛ, a b'a ɲini Cote d'Ivoire jamanaden bɛɛlajɛlen fɛ, bɛɛ ka tɛgɛda a dusu kan, bɛɛ k'i yɛrɛ minɛ yasa basigi, bɛn ani kelenya bɛ se ka sinsin cogomina u ka jamana kɔnɔ.

Laurent Gbagbo seginn don Abidjan Alamusa, lakanatigilamaaw ye ɲɛjibɔ gaziw ci jama kulu dɔw la pankurunjigi so kin na, Gbagbo ka politikitɔn FPI ka fɔla u ka mɔgɔ binani ɲɔgɔn minɛna fana polisiw fɛ, Nka o ma sɛmɛntiya marabaaw fɛ.