Mauritanie: jamanaɲɛmaa kɔrɔ Mohamed Ould Abdel Aziz minɛna k'a datugu kaso la

Mohamed Ould Abdel Aziz, Mauritanie jamanaɲɛmɔgɔ kɔrɔ.
Mohamed Ould Abdel Aziz, Mauritanie jamanaɲɛmɔgɔ kɔrɔ. © AP - Ludovic Marin

Jamanaɲɛmaa kɔrɔ in ka minɛli latigɛ tara kiritigɛla min bɛka sɛgɛ-sɛgɛliw kɛ a ka jalakili kow kan o de fɛ. 

Ganseli

Muhamed Ould Abdel Aziz jalakilen don yurugu-yurugu kow, k'a ye faso nafolo n'daraki k'a to fanga la. Kunu kasɔrɔ jamanaɲɛmaa kɔrɔ in ye watijan kɛ a tɛ se kabɔ a ka so, lakanatigilamaaw tagara a minɛ.

Mauritanie jamanaɲɛma kɔrɔ in masuruma mɔgɔ ka fɔla a minɛ kun yɛrɛ ma fɔ. Nka nin y'a tile damadɔ ye cɛ in tun balen don ka taga polosiw ka ɲinigaliw jabi, sariya dun y'o jagoya a kan yurug-yurugu jalaki minnu dalen don a kan, ulu kɔsɔn. Muhamed Ould Abdel Aziz ye san tan ni kelen de kɛ Mauritanie kunna k'a ta san 2008 kana a bila san 2019.

A yɛrɛ baraɲɔgɔn n'a teri kɔrɔ Mohamed Ould Cheick EL Ghazouani de bɛ jamana ɲɛmaaya la bi. Mars kalo tɛmɛnen in na Muhamed Ould Abdel Aziz n'a jɛɲɔgɔn kɔrɔ tan ni duuru de jalakira yurugu-yurugu kow la.

Nka Muhamed Abdel Aziz fila dama ma sɔn jalaki ninnu ma, Ale n'a ka lafasabagaw ko a teri kɔrɔ n'a jɛɲɔgɔn kɔrɔ min bɛ fangala, o kɛlen don ka bɛn bɛn tigɛ a kama a sen kana se ka don politikow la bilen.