Mali: keretiyɛ diinɛ katoliki, mɔgɔ minɛnenw na, mɔgɔ nani de sera u ka so

Keretiyɛ katoliki diinɛ mɔgɔw ka alabaton yɔrɔ dɔ. (Ja jirata don)
Keretiyɛ katoliki diinɛ mɔgɔw ka alabaton yɔrɔ dɔ. (Ja jirata don) AFP Photos/Phill Magakoe

Keretiyɛ diinɛ katoliki, mɔgɔ duuru minnu tun minɛna mɔgɔ sidonbaliw fɛ kunu Ségué ni Badiaganra cɛ, n'u taatɔ tun don San, ka taa tali kɛ u tɔɲɔgɔn abbé Oscar Théra ka sukoyaw la. Kunnafoniw sɔrɔ la, k'u bila la, nka mɔgɔ nani de sera u ka sow kɔnɔ Ségué, abbé min tun b'u cɛla, o kɔni kibaruyaw ma sɔrɔ fɔlɔ.

Ganseli

Abbé Kizito TOGO

Mɔgɔ duuru minnu tun bɛ ka taa Abbé Oscar ka sukoya la San, n'u tun jagoya minɛna Ségué, Bankas mara  ni Mopti cɛ. U ma se Mopti, i b'a sɔrɔ u ma se yɛrɛ Bandiagara.

An bɛ yɔrɔ min i ko sisan, mɔgɔ nani minnu tun bɛ ni abbé ye, olu labilara. U sera u ka sow kɔnɔ ka ban. Min ye "l'abbé" ko ye an jigi ma tigɛ, an bɛ deliliw la.

Ntɛnɛdon na, kabi n'an y'a don k'an balimanw jagoya minɛna, an ye bataki ci ɲɛmaaw ma k'u ladoniya. U tun bɛ k'a ɲininiw kɛ. Wula in na, u y'a fɔ n'ye k'olu ye kibariya sɔrɔ min b'a yira k'u labilara. Nka tiɲɛ tiɲɛ na, mɔgɔ nani de labilara.