Tchad : donatɛmɛ fanga ɲɛma Mahamat Idriss Deby be tagama na Faransi jamana nan

Ni ye Tchad dɔnatɛmɛ fanga  ɲamɔgɔ Mahamat Idriss Déby ni  d'Emmanuel Macron ja ye a fa cɛ ka sukoya don nan
Ni ye Tchad dɔnatɛmɛ fanga ɲamɔgɔ Mahamat Idriss Déby ni d'Emmanuel Macron ja ye a fa cɛ ka sukoya don nan AFP - CHRISTOPHE PETIT TESSON

Tchad jamana la, donatɛmɛ fanga ɲɛma Mahamat Idriss Deby b’a ka tagama fɔlɔ la kabini kunu franci jamana la. Teriya sira tagama don a ka jamana ni France cɛ. Bi yɛrɛ Mahamat Idriss Deby ni Emmanuel MACRON kan k'a dominikɛ 

Ganseli

Tchad donatɛmɛ fanga ɲɛma Mahamat Idriss Deby bɔra NDjamena kunu sɔgɔma de ka Franci sirata.

Tchad jamana ɲɛmaso ka dantigɛli sɛbɛn dɔ de ye kunafoniya in di, nga o dantigɛli sɛbɛn in ma ɲɛfɔli bɛrɛ wɛrɛ fosi fɔ donatɛmɛ fanga ɲɛma ka tagama in kan franci jamana la.

A fɔra dɔrɔn ko bara ɲɔgɔnya ni teriya tagama de don. Faransi  jamana ɲɛmaya so kɔni y'a lase k'o maraba fila ka ɲɔgɔn ye la, u bɛna kuma krɛnkrɛnnna G5 Sahel ka lajɛrɛ kan min kan ka kɛ don nataw la.

Faransi  de y'a jamana sabana ye Mahamat Idriss Deby sera minnu kɔnɔ kabini a ye fanga taa a fa cɛ fatulen kɛlɛ kɛnɛ kan. O jamana fɔlɔ fila bɛ ye Tchad dafɛ jamanaw de ye Niger ani Nigeria ulu de ko don.

Lakana ko dɔnbaga dɔw kafɔla Franci jamana ɲɛma Emannuel Macron ka latigɛ min taara k'a bɛna Franci kɛlɛ bolo Barkhane ka baaraw falen Sahel kɔnɔ. Cɛ fila in kan k'a dɔ fɔ ɲɔgɔn ye o fana ko la.