Zambie: jamanaden miliyɔn 7 weelen don kalatasonw kɔnɔ bi k’u ka jamana ɲɛmɔgɔ sugandi cɛbɔ 16 cɛ la

Zambie jamanaɲɛmɔgɔkalata cɛ filaw: l Edgar Lungu (numa na) ni Hakainde Hichilema (kini na).
Zambie jamanaɲɛmɔgɔkalata cɛ filaw: l Edgar Lungu (numa na) ni Hakainde Hichilema (kini na). AFP PHOTO/CHIBALA ZULU-REUTERS/Rogan Ward

 Nka bakurubaw ye fula ye. Edgar Lungu, o min ka fanga bi k’a kuncɛ nin waati in na ani a sinan Hakainde Hichilema.

Ganseli

Cɛbɔ16 ninnu cɛla, caman ɲɛ laani bɛ Edgar Lungu kan ani Haikainde Hichilema le kan. Fangasina politikitɔn UPND nyèmôgô  bi san 59 la. Nin y’a siɲɛ 6nan ye k’a kanbɔ jamana ɲɛmɔgɔya nɔfɛ. Fangaɲini ‘’campagne’’ waati,  Haikande Hichilema n’u b’a weelen HH, ale y’a sinsin Zambie maraw la dugujukɔrɔ nafolow ka ca yɔrɔ minnu naa, k’a ka laɲiniw kofɔ jamanadenw ye. K’a kɛ k’a yɛrɛ ye sɔrɔko lonbaga ye, a kuman k’a taga sɔrɔko gɛlɛya kan, jamana in b’o min kɔnɔ. A ye ‘’Front Patriotique” ɲɛmɔgɔ Edgar Lungu jalaki kɔsɛbɛ, ale min ye juru caman taa walasa k’a bɔnɔgɔa fɛɛrɛw bila senkan. 

Edgar Lungu, sii bi 64 la nyinan. Ale ye lafasalikɛla kɔrɔ ye, A bi Zambie kunna kabi san 2015 jamana ɲɛmɔgɔ kɔrɔ Michael Sata fatuli kɔ. 

San b’a 2016 jamana ɲɛmɔgɔ kalafili la, a ye see sɔrɔ Hakainde Hichilema kan nin kala baa kɛmɛ ɲɔgɔn ye. 

Yala a n’a kè o cogola siɲɛ in na wa? Kalafili jaabi fɔlɔw makɔnɔnen don Karilon nata Aout kalo tile 15. Kalafili koɲɛnɛbɔ jɛkulu kɔni ye layidu taa ka fɔ ko nin kalafiliw bɛna kɛ gɛlɛya kɔnɔ.