Afghanistan: jamadenw bɛ bɔli la alisa ka jamana in bila

Afganistan pankurunkigiso, mɔbɔw kɛlen don ka fa, u bɛɛ b'a fɛ ka boli.
Afganistan pankurunkigiso, mɔbɔw kɛlen don ka fa, u bɛɛ b'a fɛ ka boli. AFP - WAKIL KOHSAR

Afghanistan, kunu de tun y'a dɔgɔkun kelen ye Talibanw ye fanga ta jamana in kɔnɔ. Nka halisa mɔgɔ caman de b'a ɲini ka jamana in bila. Afghanistan yɛrɛ jamanadenw bɛ o la, jamana wɛrɛw fana i n a fɔ USA ni Faransi fana bɛ ka bɔ n'u ka mɔgɔw ye halisa, nka o tɛ ka kɛ nɔgɔya kɔnɔ.

Ganseli

Kaboul Pnakurunjigiso, siran ni jigitigɛ ko de bɛ ye kabini dɔgɔkun kelen.

Mɔgɔw de bɛ ka caya ɲɔgɔn kan ka taa fɛ, Talibanw ɲɛsiranya kɔsɔn, olu bɛ fɛ ka bɔ jamana in kɔnɔ. O kɛra sababu ye mɔgɔ dɔw yɛrɛ bɔnɛ na u nin na ɲɔgɔn digi-digiw senfɛ. Kunu o gɛlɛya fɛ, Etats-Unis ye dugutaga Pankurunw fana ka dɛmɛ ɲini.

Yasa olu fana k'u fanga fara sɔrasiw ta kan. Kabini Aout Kalo tile 14 Talibanw ka fanga tali don kana se bi ma, mɔgɔ caman de sera labɔ Afghanistan. Joe Biden, Etats-Unis jamanaɲɛmaa ka fɔla yani ni kalo ka sa, u ka laɲini ye u ka se kabɔ ni mɔgɔ ba biwɔrɔ de ye. Nka Europe tɔnba ka kɔkanko ɲɛnɛbɔla Josep Borrell yɛrɛ k'o kɛli ma nɔgɔn.

Nka ni bɛɛ la Talibanw ko ni ferekeɲagami fɛn o fɛn bɛ ka kɛ Kaboul Pankurunjigiso la, k'o bɛɛ ye Etats-Unis de nɔ ye. Olu ko basigi ni hakili sigi bɛ jamana fantɔ bɛɛ la fɔ pankurunjigiso dɔrɔn, ye dun bɛ Etats-Unis n'a dɛmɛbagaw de ka bolo kan. Turquie jamanaɲɛmaa kɔni y'a ka cikan fɔ, k'ale ka jamana tɛna se ka Afghanistan jamanadenw bisimillah, k'u tun bɛ baara kɛ jamana minnu ye u ka taga o jamanaw na.