Tchad ye dɔ bɔ a ka kɛlɛcɛw hakɛ la Sahɛli kɔnɔ

Tchad sɔrasiw, u la yɛrɛ jira taama dɔ senfɛ, Ndjamena, janvier kalo san 2021.
Tchad sɔrasiw, u la yɛrɛ jira taama dɔ senfɛ, Ndjamena, janvier kalo san 2021. AFP - RENAUD MASBEYE BOYBEYE

Sibiridon, Tchad marabaaw y'a yira ko sɔrasi kɛmɛ wɔrɔ de bɛna lasegin so.

Ganseli

Marabaajɛnkulu ka kuma lasela Abdurahmane KULAMALLAH ka fɔ la, labɛn cogo kura don walasa ka jatigɛwalekɛlaw kunbɛn ka ɲɛ. G5 Sahel jamana tɔw b'a kalama, cɛ in ko ten. Tchad sɔrasi tɔ ye kɛmɛ wɔrɔ de ye sisan jamana sabaw ka dancɛ la, Mali ni Niger ni Burkina. Tchad ka ni latigɛ in kɔlɔlɔ bɛ se ka kɛ mun ye lakanda sirafɛ sahɛli kɔnɔ. Abdoulaye Barry b'a hakilina fɔ o ko kan. Ale lakanda ko dɔnbaga ye kabɔ Burkina Faso.