Tchad: tasibilaw bɛ ka kɛ ka ɲɛsin Tchad jamanakuntigi kɔrɔ Hissène Habré ka fatuli ma

Hissène Habré,Tchad jamanakuntigi kɔrɔ.
Hissène Habré,Tchad jamanakuntigi kɔrɔ. Time & Life Pictures/Getty Images

Fagaliw ni kɛlɛ min kɛra k'a to fanga la Tchad, a tun ɲangila ka bila sikaso la Sénégal o sababu la. A fatuli kɔ tasibila bɛ kɛra sira bɛɛ fɛ ka ɲɛsin a ka denbaya ni Tchad jamana ma.

Ganseli

Ouakama ni senegali bɛ kunu na ni dusu kasi ye. Mɔgɔ si tun ma laɲini ko Hissène Habré  ka laban nin cogo. I t’a lɔn ko mɔgɔ ɲuman lon fɔ n’i sigila n’a ye, i bɛ sɔrɔ k’a lɔn ko a ka jamana k’a d'a ye. O ye Youssou Ndoye, Ouakam ka Jaaraf ka tasibila kumaw ye

Tasibila minnu bɛ kɛra Tchad jamanakuntigi kɔrɔ Hissène Habré fatuli kɔ, o bɛ ma kɛ a jalaki li ye. 

Senegali kiriko minisiri ye tasibila kɛ Hissène Habré ye. Marabaga jɛkulu ɲɛmɔgɔ kɔrɔ Abdoul Mbaye ninmisala ko Farafinna kɛlɛcɛ fɔlɔ min y’a cɛsiri jango k’a ka jamana bɔ jɔnya bolo kan k’o fatula. Ale ye "Alliance pour la citoyenneté et le travail" ɲɛmɔgɔ ye.

Benno Bokk wasaden kulu ɲɛmɔgɔ dankan, Adji Mergane ye Hissène Habré furumuso ka cɛsiri fɔ katugu a m’a cɛ labila fɔ a ka lon labanw na. 

Ka kɔn o bɛɛ ɲɛ Tchad donnatɛmɛfanga ɲɛmɔgɔ Mahamat Idriss Déby tun y’a ka tasibila kɛ. Senegali faama bolo dɔw ye tasibila kɛ Hissène Habré ye. 

Polikimɔgɔw man to kɔ ni tasibilaw la, Tchad  politikitɔn "les transformateurs" ɲɛmɔgɔ Succès Masra ko Hissène Habré somɔgɔw ni Tchad jamana  bɔnɛ na cɛba dɔ la min tɔgɔ be to fɔ abada Tcahd jamana tarikuw. K’a ye see sɔrɔ yɔrɔ dɔw la, a dɛsɛla yɔrɔ dɔw la fana. Halibi tasibilaw bɛ sen kan.