Talibanw sɔnna Afganistan jamanadenw ka se ka kabɔ jamana in kɔnɔ, uti kale kile 31 tɛmɛnen kɔ

Talibanw
Talibanw AP - Gulabuddin Amiri

Allemagne jamanden min bɛ kuma ɲɔgɔnyala ni Talibanw ye, Afganistan jamana kow kan, Markus Potzel, y'a jira ko Talibanw sɔnna, u ka jamanadenw ka se ka kabɔ jamana in kɔnɔ, uti kale kile 31 tɛmɛnen kɔ, n'o tun y'u ka waati laban fɔlen ye.

Ganseli

Allemagne jamanden in, Markus Potzel y'a bila a ka bɔlɔlɔ sanfɛ "Twittter", ko Talibanw ka ɲɛmɔgɔ dankan, n'o bɛ Qatar jamana kan, Sher Abbas Stanekzai ye jigisigi kuma kanw fɔ a le ye.

Bawo, ko ce in ko ni tama sɛbɛn dafalen bɛ Afganistan jamaden minnu bolo, k'o lu bɛna se kabɔ jamana in kɔnɔ n'a ka d'u ye, uti kalo kile 31 tɛmɛlen kɔ, o min tun ye u ka waati laban dilen ye.

Allemagne jamanden in y'a ɲini Talibanw fɛ, wasa o ko ka nɔgɔya, ko fɔ, Aéroport de ka sɔrɔ yen, min bɛ baɲumankɛw ni jamana wɛrɛ lasigidenw ka baara nɔgɔya. Bawo, kabini Talibanw ye Kaboul minɛ, foroba pankuruw bɛ tun jɔra.

Etats Unis jamana ɲɛmɔgɔ, Joe Biden tun y'a jira k'o lu ka mɔgɔ taa bɛ jɔɔ dɔgɔkun nata. Ka sɔrɔ, Afgans caman de jɔlen bɛ, pankuru jigiyɔrɔla, ka se kabɔ jamana kɔnɔ.

Jamana 7 ka jɛkulu G7 ka ɲɔgɔn ye senfɛ, o lu tun y'a ɲini ko Ameriki solidasiw ka to Afganistan fɔlɔ, jamana ɲɛmɔgɔ, Joe Biden ma sɔn o kuma in ma.