Lybie, kɛlɛcɛ minnu bɛ taa sarala n'a ko ''mercenaire''olu dɔw bɛ ka taa ka bɔ jamana in kɔnɔ

Nin ye Lybie jamana ka  mercenaire dɔ ja ye
Nin ye Lybie jamana ka mercenaire dɔ ja ye AFP

 Kɔkan jamanaw ka kɛlɛcɛ minu tara sarala n'a bi fɔ a ma mercenaire, olu dɔw bɛ ka segi ka bɔ Libye jamana kɔnɔ. Libye kɔkanko minisiri Najla Al-Mangoush y'o kuma fɔ kunu kunafolidilaw ɲama Koweit jamana kɔnɔ. Jamana in ɲamaa kuraw ka laɲini ye k'u kɛlɛcɛ ka taga ka bɔ peyu Libye kɔnɔ. Issouf ZERBO

Ganseli

Diɲɛ tonba ONU ka jaatiw ya yira ko maa minu tara sarala sanko ka kɛlɛw kɛ, o ka ca wa 20 ye Libye jamana kɔnɔ.  O kɛlɛcɛw ye Russie, Syrie, Tchad Soudan ani Turquie jamanadenw ye. Olu tɔ kun tɛ jamana in kɔnɔ tuguni sabula marifaw dafara kabi octobre kalo san 2020. 

 

Diɲɛ tonba ONU, jamana baba dɔw ani Libye ka laɲini ye ko kɛlɛcɛ nunu ka taga ka bɔ jamana in kɔnɔ. A ka taama kɔnɔ Koweit jamana na, kunu karilon, Libye kɔkanko minisiri muso ya sɛmɛtiya ka fɔ ko kɛlɛcɛw ya daminɛ ka segi doni-doni u ka jamanaw la.

Minnu segila ka ban, o hakɛya ma fɔ. Minisiri muso in ka fɔla, u bɛna sigikafɔ ba latigɛ octobre kalo in na sanko ka fɛɛrɛw ɲini ka kɛlɛcɛw labɔ libye. 

Kabi Libye jamanakuntigi kɔrɔ Mouammar Kadhafi fagara wilikajɔw senfɛ san 2011, jamana in tɔra kɛlɛw la fɔ salon benkan sera ka sɔrɔ kɛlɛcɛw ni ɲɔgɔncɛ. Marabajɛkulu kura sigira Libye o senfɛ yasa ka ben sinsin ani ka wasadenw ni jamanakuntigi kalataw laben decembre  kalo tile 24 nataw la.