Mali: faransi kɛlɛbolo y'a ladoniya ka fɔ ko jatigɛwalekulu RVIM ɲɛmaa dɔ fagara sibiridon tɛmɛnen

Faransi ka Barkhane sɔrasi minnu bɛ kɛlɛ la Mali jamana kan. Ja jirata. Ludovic Marin AFP/Archivos

Mali jamana kɔnɔ, cɛ in tɔgɔ ye Nasser Al Tergui. Kunnafoni in dara kɛnɛ kan bi alamusadon Faransi kɛlɛbolo ɲɛmaaso fɛ. Nasser Al Tergui n'a tamaɲɔgɔn 4 de fagara.

Faransi kɛlɛbolo ɲɛmaayaso ye ɲɛfɔli min kɛ Nasser Al Tergui ni a tɔɲɔgɔn ninnu ka fagali ko la bi, o de ye ko kabini  juma tɛmɛnnen de ko faransi ka kɛlɛbolo Barkane ka jateminɛ tun bɛ  katiba du Gourma mɔgɔ ninnu kan Gossi mara la. Yen min u tukura u ka mɔbili kɔ fɔ Hombori mara la sibiridon. 

Dantikɛli sɛbɛn in ka fɔ la Barkane mɔgɔ de kɔ a la  de sibiridon ko jatigɛwalekɛla ninnu de bɛ mɔbili in kɔnɔ k'o waati de la k'u y'u to sanfɛ ka mugujugu jigin u kan ni pankuru fila ye. 

Faransi kɛlɛbɔlɔ ɲɛmaayaso ka fɔ la o mugujufiliw de kɔ Barkane kɛlɛcɛw jigina ka mɔgɔ ninnu bolominɛ dɔw ta , u ka fɔ la sɛgɛsɛgɛli yɛrɛ de bɛ ka o minɛn ninnu kan ni waati in wasa ka se ka tɛgɛdakɛ  jatigɛwalekɛla wɛrɛw kan. 

Hakilinajigina san 2012 waati de Nasser Al Tergui tun fara la AQMI jatigɛwalekɛla kulu mɔgɔw kan.