Mali: donnatɛmɛ wasabulon ɲɛmɔgɔ dankan nani nan, Issa Kaou N’djim, bɛ bolo la kiriso la kabi kunu
A jɛnsɛnna :
A minɛkun kɛra k’a ye kumaw fɔ minnu bɛ se ka jamanadenw la fitinɛ mɔgɔ wɛrɛw kana. Wa o kuma ninnu fɔra bɔlɔlɔ de kan a minɛbagaw ka fɔ la.
A minɛkun kɛra a ka bɔlɔlɔ bɔli laban dɔ ye min kɔnɔ a bɛ ka Mali marabagaw jalaki CEDEAO ka Mali ciden kɛrɛnkɛrɛnnen ka gɛnni na, n’o ye Hamidou BOLY ye. O dantigɛli kɔnɔ Issa Kao Ndjim b’a fɔ ko Mali donnatɛmɛfanga mɔgɔw ni ɲangili ka kan sɔrɔko sira fɛn ko jamanadenw fana ka bɔ k’u ka ninsɔngoya jira Mali donnatɛmɛfanga mɔgɔw la, bawo ko Hamidou Boly gɛnni bɛna fiɲɛ don Mali ni a teri jamanaw cɛ, n’a bɛ fɔ o ma Faransi kan la ko "incident diplomatique". k’a sɔrɔ ale Issa Kao Djim yɛrɛ ye donnatɛmɛfanga ɲɛmɔgɔ dɔ ye bawo o fanga in ka wasabulon ɲɛmɔgɔ dankan 4nan don.
Mali kiri ko minisiri kɔrɔ ka fɔ la, an ye min weele wasa ka i ka nin ɲinikali in jaabi sɔrɔ, o ko ni Issa Kao Djim tara a tigɛ ma, n’a bɛ fɔ o ma ko "flagrant délit", k’a ka wasadenya tɛ a kisi minɛli ma. Bawo a ye fili de kɛ min ni latilenni ka kan wa sisan sisan. Nka hakilijigin na Issa Kao Djim ka dantigɛli kɔnɔ, a bɛ faamu k’a kan bɛ minisiri ɲɛmɔgɔ Choguel Kokala Maiga de ma, a ni o min mandi kabi Kao Djim y’i sen bɔ M5RFP fanga sɔsɔ jɛkulu la. Kao Ndjim yɛrɛ tun ye sɔsɔli dantigɛli camanw kɛ ka ɲɛsin Choguel Maiga ma ka tɛmɛ. Nka nin sen in ta min na a ye jamanadenw ka muritili nyini, o de ye kasoladon se a ma. A kɔni sira Camp 1 gendarmuw bolo surɔ. Bi tile in tɔ la, Procureur ka jaabi kɔnɔnen don ni Issa Kao Ndjim bɛ bila ka taa kasobonba la wali n’a bɛ bila ka taa a ka so.