Tchad: donnatɛmɛfanga ɲɛmɔgɔ Mahamat Idriss Deby ITNO b'a fɛ ka sigikafɔba kɛ jamana in kɔnɔ

 Mahamat Idriss Deby ITNO, Tchad donnatɛmɛfanga ɲɛmaa.
Mahamat Idriss Deby ITNO, Tchad donnatɛmɛfanga ɲɛmaa. AFP - -

Tchad jamana ka banbaancikulu dɔw k'ulu bɛ sɔn ka tali kɛ sigikafɔw la, marabagaw bɛ ka min laɲini, nka fɔ ulu ka fɛla dɔw ka ɲanabɔ. O kumaw carinna laseli dɔw kɔnɔ, u kɛlen kɔfɛ ka ɲɔgɔnye kɛ France ani Qatar.

Ganseli

Mahamat Idriss Deby ITNO n'a ka marabagajɛkulu bɛ fɛ ka sigikafɔba dɔ bolola , jamana kunkako bɛ fɔ kɛnɛ min kan. Jango mɔgɔ si kana to kɔ sigikafɔ nin na, Tchad jamanaɲɛmɔgɔ ye bulonda yɛlɛ bɛɛ ye, i ko banbaanci maramafɛntigiw. O dɔ ye UFR tɔn ye, "Union des Forces de la résistance". Olu min daganin bɛ Doha, Qatar jamana na, a bi saan tan bɔ sisan.  Caadiko tun goyara o ra tuma dɔ ra. San baa fila ni kɔnɔtɔn na, waati min na,  o tun y'o kun la Ndjamena kan, Tchad faaba, France kɛlɛkɛpankurunw ye muguci o ra, Tchad marabagaw ka dɛmɛɲini kɔfɛ.

Bi, UFR ɲɛmɔgɔ Timane Erdimi ko ni marabagaw b'a fɛ olu ka ye sigikafɔ kɛnɛ kan, fɔ o ka mɔgɔ minaninw bɛɛ ka labila, yafa ka kɛ kɛlɛkuntigiw bɛɛ ma, o ka minan bɔsininw fana ka segi o ma. Sigikafɔ labɛnjɛkulu ɲɛmɔgɔ Allamine Bourma Tréyé k'olu b'o sira kan. 

Banbaancijɛkulu min ye marifa ta avirilikalo tɛmɛnin na, n'o kɛra sababu ye ka Idriss Deby bɔnɛ a niin na, olu fana ko o tɔɲɔgɔn kasodenw bɛɛ ka labila, o dɔrɔn tɛ, FACT ko sira ka di mɔgɔw ma o k'o ka wulikajɔw kɛ jamana kɔnɔ basigi ra. Mahamat Idriss Deby tun ye nin koo nunu caman layuru ta jamanadenw ye. O waleyali bi a yɛrɛ le bolo sisan jango kalataw ka kɛ.