Sierra Léone: mɔgɔ caman bɔnɛ na u nin na tajita mɔbili dɔ sababu la
A jɛnsɛnna :
Sierra Léone jamanakuntigi ye weele sama a ka jamana kɔnɔdenw ma, tajita mɔbili in ka pɛrɛnni ka kɛ misali ye yasa a ɲɔgɔnna kana kɛ tuguni. Tajita mɔbiliba in yɛrɛ tun pɛrɛn na juma wulafɛ ka mɔgɔ kɛmɛ ni kelen bɔnɛ u nin na.
"Julius Maada Bio", Sierra Léone jamanaɲɛmaa y'a ka tagama sɔnsori Glasgow, Ecosse jamana kɔnɔ ka segin a ka jamana a kɛlen kɔ ka bɔ ni walejugu in kalama min kɛra sababu ye ka mɔgɔ kɛmɛ ani kelen bɔnɛ u nin na. Wa a sen ma ye Cédéao ka lajɛrɛ kɛrɛnkɛrɛnen baaraw la kunu, o min tun ɲɛsin na Mali ani Guinée ka lahalayaw ma.
Juma yɛrɛ de mɔbiliba dɔ ye tajita mɔbili dɔ gosi tajita yɔrɔ dɔ kɔnɔ, o de kɛra sababu ye tajita mɔbili in pɛrɛn na. Tasuma sɔrɔ la ka wuli o yɔrɔni na. Seere dɔw ka fɔla, ko kasaratɔw fanba ye feerekɛlaw de ye, k'olu de tun bɛ k'a ɲinin ka taji dɔ ta tajitamɔbili in binnen kɔfɛ.
Mɔgɔ caman de jɛnina, wale in sen fɛ.
Sierra Léone jamanakuntigi sera walejugu in kɛyɔrɔ la kunu kari. O de sen fɛ, a ye weele bila a ka jamanakɔnɔdenw ma u ka nin kɛ misali ye, walasa a ɲɔgɔna kana kɛ tuguni don nataw la. A ko, polisiw, sɔrasiw fɔ ka taa se kɛnɛya baarakɛlaw ma, olu bɛna suw lasago kaɲɛ walasa u suturali ka kɛ boɲɛ ni karama kɔnɔ.