Mali: Barkhane sɔrasiw ka daga kɔrɔw bɛna to Mali sɔrasiw ni Minusma de ka bolo kan
A jɛnsɛnna :
Faransi kɛlɛbolo Barkhane ka baarw tabolo yɛlɛmali hokumu kɔnɔ, Mali sɔrasiw ni Minusma ta dɔw bɛ ka degedenya kɛ Barkhane nɔfɛ walasa u ka se ka kuma Barkhane ka pankurun bolilaw fɛ. A bɛ fɔ o degedenw de ma n'u tila u ka kalan na Faransikan na ko "GATA".
Faransi kɛlɛbolo Barkhane ka baaraw tabolo yɛlɛmɛli la, u ye kɛlɛ daga min bila an'u bɛna minnu bila, olu bɛna segin Mali sɔrasiw ni Minusma de ma. Nka walasa Barkhane ka se ka dɛmɛ don teliya la n'a ka kɛlɛkɛ pankurun ye ni binkanni kɛlaw y'u ɲɛsin o daga ninnu ma.
Sɔrasi dɔw kan ka sɔrɔ ye minnu bɛ se ka kuma Barkhane ka pankrun bolilaw fɛ, a bɛ f'u ma tɔgɔsurun na ko GATA.
U bɛ, pankurunw dɛmɛ walasa u ka susuli mugu ka jigi binkannikɛlaw dɔrɔn de kan. Gao kɛlɛ daga kɔnɔ "Commandant Gael" de ye ''GATA'' dege karamɔgɔ ye.
Commandant Gael
Sisan an bɛ ka duguma kɛlɛbolo sɔrasi dɔw de kalan walasa u ni Barkhane ka se ka baaraɲɔgɔnyaw kɛ. Nka Mali sɔrasiw ka ni degedenya kun dɔ fana ye walasa n'u yɛrɛ mako jɔra Barkhane ka pankurun ka dɛmɛ la, u ka se k'o sɔrɔ. Ɲinan an ye kulu wɔrɔ de kalan; nani de kɛra Gao yan.
Mali sɔrasiw fila b'u hakilinata fɔ an ye u ka dégédenya kan. Commandant Gael kafɔla, sɔrasi fɔlɔ minnu ye GATA degedenya kɛ, olu ni Barkhane ka kɛlɛkɛ pankurunw bɛ baarakɛ kaban ɲɔgɔnfɛ. Wa basi fosi tɛ ka ye o baaraɲɔgonyaw la.