Jɔn de tun ye Frederik Willem De Klerk, "Afrique du Sud" jamanakuntigi kɔrɔ?

Frederik Willem De Klerk, Afrique du Sud jamanakuntigi kɔrɔ.
Frederik Willem De Klerk, Afrique du Sud jamanakuntigi kɔrɔ. © AP - Jerome Delay

Afrique du sud jamanakuntigi kɔrɔ Frederik Willem De Klerk fatura kunu k'a sii to san 85 de la. Bɔn "Cancer" bana de kɛla a sababu ye, a ka baɲumakɛtɔn de ye nin laseli kɛ.

Ganseli

Frederik Willem De Klerk de kɛla sababu ye ka Nelson Mandela labila kabɔ kaso la ani k'a ka politikitɔn lakodon. Ale de ye dankari, siya kɛlɛ, politikiko ni soroko kɛlɛ la, "l’apartheide" Afrique du Sud. Ale de ye dankari tubabuw ka fanga la wa ka sɔrɔ ka fanga di farafinw ma. Koffi Kaoukou ye politiko dɔnbaa ye ale ko cɛ in ye baara dɔw kɛ Afrique du Sud jamana kan.

A kɛla sabau ye ka yɛlɛma don Afrique du Sud jamana na. Tuma minna mɔgɔ si tun hakili t'a la. Wa a ye kuma ɲɔgɔnyaw fana sigi ni fangasinaw ye i n'a fo "ANC" politikitɔn.

Wa fana a  taara ni Afrique du Sud jamana tɔgɔ ye diɲɛ lajɛrɛbaw la. O kɛla sababu ye a ka "prix nobel de la paix" jɔnjɔn ta ale ni Nelson Mandela.

Nka cɛ in tɔgɔ juman dɔrɔn tɛ ka fɔ, a ye "Aparteide" lagosi, k'o tɛ ninjuguya wale ye ka sin hadamadenya ma. Hali n'a sɔrɔ a tila la ka yafadeli kɛ.

Wa o t'a to an ka ɲina a ye maɲumanto ko minnu da Afrique du Sud farafinw kan. A ye siya kɛlɛ, "apartheite" sariyaw kolo gɛlɛya o n'a ɲɔgɔnnaw. Nka an kan ka miri sini ɲɛsigi de la, o de nafa ka bɔ hadamadenyala ma.