"N'ka laɲini ye ka Gambie kɛ jamanaw bɛɛ la ɲuman ye" Adama Barrow

Gambie jamana kan surɔ, kalata koɲɛnɛbɔ jɛkulu y’a jira ko jamanakuntigi Adama Barrow de ye seebaya sɔrɔ ni kala 53,2 ye kɛmɛ sara la. A sina n'a ka ɲɛmɔgɔ kɔrɔ Ouseinou Darboe ye kala 27,7 sɔrɔ. Jaabiw bɔlen kɔ, Adama Barrow ninsɔndiyalen de tun bɛ a yɛrɛ ka daga la, k’i dantigɛ a ka tɔndenw ni jamanadenw ye. Anw ka ciden kɛrɛnkɛrɛnnen Bintou Cissé tun b’a kɛne kan. A  ye Adama Barrow ka folikan ta an ye.

Jamanakuntigi Adama Barrow sugandilen kokura jamanadenw fɛ, Gambie kunna, décembre kalo tile 5, Banjul, Gambie faaba la. AFP - JOHN WESSELS

Adama Barrow

N’bɛ foli lase kalata koɲɛnɛbɔ jɛkulu ma, a ko ɲɛnɛbɔli la, i k'u tun ye kalata tilennen ni jɛlen lahidu ogo min na. N’bɛ foli kɛrɛnkɛrɛnnen lase CEDEAO maakɔrɔw ka jɛkulu ma, ani jamanakuntigi kɔrɔta c minnu y’u ka baaraw bila ka na fara an kan i ko badenmaw. Nin ye dalilu de ye ko anw farafinw, an kan ka an ka diɲɛlatigɛ ta ba la, ani ka fɛɛrɛ sɔrɔ an ka gɛlɛyaw la. Ne b’a fe k’a hakili latigɛ ko n’bɛ n’seko bɛɛ kɛ, ani ka n’fanga bɛɛ don, wasa ka Gambie kɛ jamanaw bɛɛ la ɲuman ye, jamanadenw bɛɛ ye.