Haïti: mɔgɔ caman bɔnɛ na u nin na tasumakasara dɔ senfɛ
A jɛnsɛnna :
Haïti jaman kan, taji ta mɔbili dɔ binni kɛra sababu ye ka mɔgɔ 60 ɲɔgɔn bɔnɛ na u nin na caman fana joginna dɔw yɛrɛ bɛ balo ni saya cɛ. Nin masiba in kɛra kunu.
Nin walen in kɛra, Cap-Haiti dugu de la. N'o ye Haiti duguba filana ye. Dugu mɛri danga ka fɔ la, taji ta mɔbiliba dɔ de bolitɔra y’a ɲinin ka sira bila motɔ "taxi" dɔ ye. O de senfɛ, a ka mɔbili y’a kɛɲɛ ni k'a dafiri.
Alisa mɛri dagan in ka fɔ la, mɔbili in binnen kɔ dugudenw girinna k’u kunda a ka wasa ka se ka taji bɔntɔra dɔ ta, o min sɔrɔli gwɛlɛyalen don Haïti kɔnɔ nin waati la.
Waati damadɔ tɛmɛnen kɔ, tasuma wulila mɔbili in na. O ye mɔgɔ caman bɔnɛ u nin na, ni ka baden jogin.
Kunnafonilaban minnu lasera kunu Haiti marabagaw fɛ, ba ɲɛfɔ k’o mɔgɔ sataw hakɛw bɛ se tan tan sigiyɔrɔman caman ma. Joginenw fana bɛ se o hakɛ kelen in ma.
Dɔgɔtɔrɔsow la, kɛnɛyatigila mɔgɔw cɛsirilen don wasa ka mɔgɔ mandiminenw furakɛ. Nka kɛnɛyatigilamɔgɔ dɔ ka fɔra, u tɛna se ka olu bɛɛlajɛlen nin la kisi. Ka kɛɲɛ ni furakɛ minɛ dɔw daɲali ye, u ka kɛnɛyaso la.
Mɔgɔsataw ni joginenw bɔlen kɔ a la, kasara in ye mɔbili in bin yɔrɔ kɛrɛfɛso dɔw jeni.
Walen in kɔfɛ Haïti minisiri ɲɛmaa Ariel Henry y’a latikɛ ka tile saba tasibila kɛ maa kasaratɔw ye.
Haïti min jatelen don diɲɛ fantanjamanaw fɛ, bɛ gwɛlɛya caman kɔnɔ bi sɔrɔ ni lakanabaliya sira fɛ. Fɔ ka taa se kasarawɛrɛw ma, i n'a fɔ dugukolo yɛrɛ yɛrɛ, walima tasumaji woyo.