Lybie: jamanakuntigikalataw bolodaleb don nin Décembre kalo tile 24

Lybie
Lybie Montage RFI

Libye jamanaɲɛmɔgɔkalafiliw bolodalen don Décembre kalo tile 24, nka siga b’a kola nin waati, cɛbɔ dɔw yɛrɛ sigini bɛ nin kalafili in bɔli ye a dɔgɔkɔrɔ. Kalafili koɲɛnabɔ jɛkulu (HNEC) ni Wasabulon tɛ ka fɔsi fɔ halisa. 

Ganseli

An bi waati min i ko bi, a ma fɔ nin décembre kalo tile 24 jamanakuntigikalafili bina waleya o lon kofɔlen na walima n’a bina bɔ a ma. 

Ngka cɛbɔ 17 dɔw, olu kɔni y’a bila u kunna ko kalafili in tɛna se k’a kɛ Juman don nata. 

Kun jumɛn na, fɔlɔ, o ye ko an bi waati min na i ko bi sɛbɛn jɔnjɔn ma daa kɛnɛ kan, min b’a yira ka fɔ cɛbɔ hakɛ min ka kan k’u ɲiin taa Décembre kalo tile 24 kalafili in na. 

Filana, o ye ko politikimɔgɔw yɛrɛ bɛnnen tɛ kan kelen ma kalafili in lahala dɔw kan.

Kalafili koɲɛnɛbɔ jɛkulu (HNEC) ni Wasablon ti ka fɔsi fɔ halisa.

A kɛra i ko nin soba fila ninu sii t’a fɛ k’a latigɛ taa k’a fɔ ko kalafili in bɔra a ma ani k’a jɔ n’a kunko ye. 

Jamana in kalafili koɲɛnɛbɔ jɛkulu HNEC ko wasabulon le k’a kan k’a latigɛ in taa, wasabulon fana ko HNEC ka baara lon. 

Ole la , cɛbɔ 17 kɔfɔlenw y’a lanyini kalafili koɲɛnabɔ jɛkulu in fɛ, a ka fɔ kɛrɛnkɛrɛnen yala kun minna Décembre kalo tile 24 kalafili tina se ka waleya, ani fana k’a ka cɛbɔw bɛɛ tɔgɔ laa kɛnɛ minu ka kan k’u niin taa jamanaɲɛmɔgɔkalafili in na.