CAN: Patrice MOTSEPE ni Cameroun jamanakuntigi ka ɲɔgɔnye kɔ, cɛ in y'a sɛmɛntiya ko Can bɛ kɛ

Farafinna ndonlantan koɲanbɔ jɛkulu CAF ɲamaa Patrice MOTSEPE y'a sɛmɛntiya kunu a ni Cameroun jamanakuntigi Paul BIYA ka ɲogɔnye kɔ ko CAN bɛna latigɛ a wagatila. Farafinna ndonlantan ɲɔgɔnkunbɛnba tako 33nan bɛna daminɛ Cameroun janvier kalo tile 9 lon k'a kuncɛ février kalo tile 6 lon. Sisan siga bɛɛ wulira ka bɔyi alini koronabana bana beyi. A kɔrɔtigɛ fɛɛrɛw bɛna waleya. 

Narcisse Mouelle Kombi, Cameroun farikoloɲanajɛ minisiri, a jɔlen don a ka biroo kɔnɔ, Can jɔnjɔn o b'a kɛrɛ fɛ.
Narcisse Mouelle Kombi, Cameroun farikoloɲanajɛ minisiri, a jɔlen don a ka biroo kɔnɔ, Can jɔnjɔn o b'a kɛrɛ fɛ. © AFP - DANIEL BELOUMOU OLOMO
Ganseli

"Janvier kalo tile 9, ne bɛna Cameroun ni Burkina ka ɲɔgɔnkunbɛn lajɛ. O de kɛra Patrice MOTSEPE CAF ɲamaa ka kumakan fɔlɔ ye kunnafolidilaw ɲamaa ani Cameroun jamanakuntigi ka ɲɔgɔn ye kɔ. Paul Biya  fana y'i kanto forobakumayɔrɔ Twitter kan ko CAN bɛna latigɛ siga tara Cameroun. 

Min nana ni siga ye farafinna ndonlantanba latigɛ ko la, o ye fɔlɔ koronabana ye. CAF ɲamaa y'a yira ko mɔgɔ si de tɛna don ndonlantan kɛnɛ kɔnɔ n'u bolocili ni farigolo sɛgɛsɛgɛ ma kɛ. 

A filanan ye ndonlantan kɛnɛw labɛn sumaya ko ye kɛrɛnkɛrɛnyala Stade Olembe. O ndonlantan kɛnɛ kura in de bɛna CAN ɲɔgɔnkunben fɔlɔ na laban bissimilah Yaoudé kɔnɔ. Farafinna dolantan koɲanabɔ jɛkulu ka tama kɔ, a ko bara ɲuman ba kɛra. 

Cameroun ka ndonlankoɲanbɔ jɛnkulu ɲamaa Samuel ETO'O bɛna jɔnjɔn di wagatina CAN kuncɛ la, Ne bɛna kɛ yan. Patrice Motsépé ye a ka kuma kuncɛ n'oye. Sisan farafina dolan kanubagaw be k'u ɲasin Europu dolankuluw de ma. Olu bɛna son ka farafinna dolantanlaw labila wa walima o bɛna u ka bagabagali kan waleya? yani lɔgɔkun 3 cɛ, an bɛna o jaabi sɔrɔ.