Kunu, Fransi y'a latigɛ k'a ka sɛbɛkɔrɔw filɛli sira dayɛlɛ Algérie ye u cɛ kɛlɛ kan

O sɛbɛkɔrɔ ninnu bɛ kuma jamana fila ninnu ka kɛlɛ kan. U tun filɛli haramuyalen don kabi kɛlɛ bannen, foo saan 75 o kɔfɛ.

Fransi ka Generali Gaulle Alger, novanburu kalo san 1943. © Keystone-France/Gamma-Keystone via Getty Images

Kunu, latigɛ nin kɔnɔ, Fransi seko ni lɔnko minisiriso bɛ sira di Algérie k'a ka ɲaa la sɛbɛkɔrɔw bɛɛ kan, min bɛ kuma jamana fila nunu ka kɛlɛ kan. O sɛbɛw ye sɛgɛsɛgliw kɔjabi le ye, min kɛra polisiw fɛ, walima, kiiri tigilamɔgɔw fɛ, walima sɛbɛ minnu kɛra sabubu ye, kiiri dɔɔw kɛnɛ sera ka sigi Fransi ni Algérie kɛlɛ koo la. 

Kɛlɛ nin kɛra novanburukalo tile fɔlɔ saan baa kelen ni kɛmɛ kɔnɔtɔn ni biduuru ni naani, ka taga a bi la desanburukalo tile bisaba ni kelen, saan baa kelen ni kɛmɛ kɔnɔtɔn ni biwɔɔrɔ ni wɔɔrɔ. 

Fransi ye baara minw kɛ a wagati ra, ani a kɛra mɔgɔ minw ka fagali sababu ye, o sɛgɛsɛgɛlisɛbɛw bi sɔrɔ Fransi ka sɛbɛkɔrɔmarasow bɛɛ kɔnɔ, France dugukolo kan, ani ka kɔkanmarabolow kɔnɔ, (outre mer). 

Fransi ka kunu latigɛ bi sira Algérie ma a ka nunu bɛɛ walaga ka filɛ a ka di a ye cogo min na. 

Saan baa fila ni tan ni seegi ra, Emmanuel MACRON tun y'a yira k'a fɔ ko Algérie ka jatiko lɔnbagaŋana Maurice AUDIN  fagali la, ko Fransi kɛlɛbolo nɔɔ b'a ra, wa a tun y'a layidu ta, k'a bina sɛbɛkɔrɔ dayɛlɛ o koo kan.

Umaru YERO b'a tɔɔ ɲafɔ.