Cédéao ye ɲangilibaw de ta ka ɲɛsin Mali ma lajɛ dɔ senfɛ bi Accra Ghana
Farafinna tile binyanfan jamanaw ka ton Cédéao ye ni ɲangili nunnu ta bi u ka lajɛ kɛrɛnkɛrɛnnen dɔ de senfɛ Accra Ghana jamana la.
A jɛnsɛnna :
Cédéao seginna k'i sinsin farafinna tile bin yanfan jamanaw ka ton UEMOA ka ɲangili de kan, o min ɲɛsin jamana nunnu ka waari ko ɲanabɔli ma.
Laɲini ye ton fila nunnu fɛ, ka Mali donatɛmɛfanga sɔrasiw wajibiya ka segin sariya kɔnɔ mara sirafɛ.
Nin ɲangili nunnu nana fara dɔyɛrɛw de kan ka ɲɛsin Mali ma.
Ɲangiliw la, Cédéo ko bolodalen bɛ to, Mali ka sɔrɔw kan waaribon BCEAO kɔnɔ. Ka waari dɛmɛn tigɛ Mali la, ani ka dancɛw datugu ani Cédéo jamanaw cɛ. Wa, waari tani ka segin fana bɛ jɔ o jamanaw ni Bamako cɛ. Daduminifɛnw ni furaw dɔrɔn de bɛ to u ka tɛmɛ.
FRI Fransikan ka ciden, Peter Sassou Dogbé ka fɔla, Cédéao ko fana, ka b'o jamanaw bɛɛ ka lasigidenw labɔ Mali kɔnɔ. Bawo, ko Mali donatɛmɛfanga sɔrasiw ye waati min fɔ, k'o tɛ bɛn. Ko Mali donatɛmɛfanga dɛsɛra ka kalataw labɛn waati fɔlenna, fevriervkalo tile 27 san 2022.
Weele bilara Mali donatɛmɛfanga ma, k'a ka Mali yɛlɛmaba kow to fanga kura ma, min bɛna sigi kalataw kɔ.
Ko Mali donatɛmɛfanga ka waati hakɛ wɛrɛ fɔ, nɔtɛ ko san 5 kuma tala. Wa, ko Cédéao bolo ma yɛre-yɛrɛ o kuma la. Cédéao ko, ɲangili nunnu man ka kɛ gɛlɛya ye Malidenw ma, RFI Fransikan, Serge Daniel ka fɔla.