Issouf Zerbo, bɛ segin kunu "CAN" ɲɔgɔnkunbɛnw kan an ye
Farikoloɲanajɛ kunnafoniw na, "CAN" ɲɔgɔnkunbɛn don filana na kɛnɛ kan, Maroc ni senegali ni Guinée ani Gabon de ye gan kɛ kunu. Mun ye Comores ye, hali ni ale bukɔra a ka tali fɔlɔ la jamana in fana ye a jeeniyɔrɔfin .
A jɛnsɛnna :
Comores jamana siɲɛ fɔlɔ de ye ka talikɛ Farafinna ndonlantan ɲɔgɔnkunbɛnw na. Gabon b'a siɲɛ 8 nan na, nka jamana in tɛ sera ka sebaya sɔrɔ "CAN" ɲɔgɔnkunbɛnw na kabi san caman sisan.
Koronabana yera a ka ɲɛfɛndonlantan ŋana fila la : Mario Lemina ani Pierre Emeric Obameyang. Ka fara "CAN" ɲɛbila labɛn gelɛyaw kan, Gabon sera ka jɔ, a jɔyɔrɔ la kunu. ndonlan tilan fɔlɔ nafamanw ma kɛ bɛrɛ ye ni san 16nan ta tɛ.
Autchanga ye ndonlan nafaman don Aaron Boupendza senkɔrɔ. Ale y'a sɛbɛkɔrɔ ci ka celu don Gabon kanu na.
Lafiyen kɔ, ndonlantanaw y'o kɔlɔgiriya. Sanga 71nan Gabon ndonlantanna Deni Bouanga ye tigɛliw kɛ ka ndonlan ci. Comores jɔkɔlɔcilibaga ye ndonlan bugɔ ka segi. Comores fana y'a jabi o yɔrɔnin kelen na ni cili barika man dɔ ye. Gabon fana ka jɔkɔlɔcilibaga y'a ɲɔti ka bɔ banakɔ.
Comores ka ɲɔgɔnkunbɛn fɔlɔ in na "CAN" tariku la, a bugɔra celu 1 ni 0. Nka ndonlantannaw y'a yira k'u mana tɔw filɛ yɔrɔ.
Ka kɔn Comores ni Gabon ka ɲɔgɔnkunbɛn ɲɛ, halibi kulu C la, Maroc ye sebaya sɔrɔ Ghana kan celu 1 ni 0. Soufiane Boufal de kɛra o celu donbaga ye san 82nan la.