Europe sɔrasiw ka toli walima u ka tagali ka bɔ Mali la, Europu kɔkanko minisiriw kan ka ɲɔgɔn ye bi

Mali ni Sahel jamanaw kunkan nin dɔgɔkun in kɔnɔ lajɛrɛ caman bolodalendon Europe jamanaw fɛ. Kɛrɛnkɛrɛnna bi Europe kɔkanko minisiri kan ka ɲɔgɔnye kɛ. Hakili falenw kan ka sinsin Faransi ni Europe jamana tɔw ka sɔrasiw toli walima u ka tagali ko de kan ka bɔ Mali la.  

Barkhane kɛlɛcɛw Gao, Mali la
Barkhane kɛlɛcɛw Gao, Mali la AP - Jerome Delay
Ganseli

Ɲɔgonyew bɛnna caya dɔgɔkun in kɔnɔ. Bi a bɛ daminɛ ni Europe kɔkanko minisiriw de ta ye bɔlɔlɔ sirafɛ. Nga, kabini dɔgɔkun fila hakilijagabɔ bɛ senna Europe kɛlɛbolo "Force Takuba" ka siniɲɛsigi kan Mali la.Europe jamana 15 ɲɔgon de ka sɔrasiw b'o kɛlɛ bolo in kɔnɔ.

Europu tɔnba ka baarabolo min sigira walasa ka kalandi Mali sɔrasiw ma EUTM, o fana ka siniɲɛsigi kuma kan ka kɛ. Nga Mali ko la, Europu jamanaw ma bɛn a ko la  seere dɔw ka fɔla.

Ko jamana dɔw b'a fɛ kataa ka bɔ pewu Mali la, k'o dun tɛ dɔw fɛla ye, kadakan,ulu tɛ fɛ kataa ka kɛnɛ to Russie bolo. Nga, latigɛgwɛlɛnw yɛrɛ bɛ se ka makɔnɔ ɲɔgonye min na, o bɛ kɛ araba nata.

Faransi jamanakuntigi, Emannuel Macron nin G5 Sahel jamanakuntigiw bɛnna lajɛrɛ kɛ Paris. O lajɛrɛ in na, kabɔ Burkina Faso ni Mali marabagaw la, tɔw bɛɛ kan ka ye yen.

Senegali ni Ghana jamanakuntigi, ka fara farajɛlatɔnba koɲɛbɔla, Josep Borrell kan, ninnu bɛɛ kan ka ye ni ɲɔgon ye in na. O dugusajɛ alamusa, farajɛlatɔnba ni Europe taw fana ka lajɛrɛ kan ka kɛ Bruxelles.