Ko kura RFI Mandenkan kan

Mɔgɔ miliyɔn binani fɔ ka taa se miliyɔn binani ni duuru ɲɔgɔnna ma, bɛ mandenkan fɔ Farafinna tilebinyanfan na

Kumakanw 06:38
RFI ka kunnafonidiso
RFI ka kunnafonidiso RFI

I ni yantuma Safi LUNA,E ye, rfi mandenkan ka kunnafonidi jɛkulu min bɛ Dakar, ‘’Sénégal’’ faaba la, o ɲɛmɔgɔ ye.

Ganseli

 I bɛ se ka ɲɛfɔli k'an ye rfi madenkan ani rfi fulfulde kan wa?

RFI mandenkan ni rfi fulfulde fana ye kunnafonidiso ye, i b'a fo mɔgɔw bɛ deli ka min mɛn Faransikan na. Cɔgɔ kelen don, a baara cɔgɔ n'a fɛnw bɛɛ ye kelen ye.

A mɔgɔw de tɛ kelen ye, bawu, yen kaw bɛ se ka kɛ tubabuw ye, farafin dɔw b'u la fana. Nka, yan, anw ka fulfulde ni mandenkan, anw bɛɛ ye yan dugulamɔgɔw ye. Wa, u faakan don, u b'a fɔ a mɛnan, u b'a mɛn kɔsɛbɛ, u b'a fɔ, u b'a sɛbɛn. O danfara de b'anw ni Farasikan rfi ni ɲɔngɔn cɛ, n'o tɛ danfara wɛrɛ foyi t'an cɛ.

 Munna Farafinna tilebinyanfan kanw na, rfi ye madenkan ani fulfulde de sukandi?

Mandnekan fɔlɔ de sugandila, k'a sababu kɛ, mandenkan bɛ fɔ jamana dama min na, farafinna tilibinyanfan fɛ, a ka ca. Misali yɛrɛ la fɔlɔ, an k'a ta fɔlɔ:  Mali, Burkina, Cote d'Ivoire, sénégal fan dɔw, Lagine, Gambie fan dɔw fo katase Sierra Leon fan dɔw ma, Ghana mɔgɔ dɔw b'a mɛn doni doni.

Jamana caman bɛ ye minnu b'a mɛn, o jamana ninnu mɔgɔw bɛɛ faralen ɲɔgɔnkan, minnu bɛ mandenkan mɛn, mandenkan ye: bamanakan, malinke, jahanke, jula, nin bɛɛ de ye mandenkan ye.

Mɔgɔ miliyɔn binanin fɔ katase miliyɔn binanin ni duuru ɲɔgɔn na ma. O de kama rfi ye mandenkan sugandi, bawu n’i bɛ mɔgɔ kunnafoni, a kunnafoni kan na, a bɛ min famuya kosɛbɛ.

Fulfulde fana ka ca ni mandenkan ye, fulfulde b'a ta Farafinna tilebinyanfan fɛ fo Farafinna kɔrɔnyanfan fɛ, n'a bɛ fo o ma ''Corne de l'Afrique’’, o kama fulfulde sugandila.

 Mandenkan ni fulfulde sukandilen kɔ, aw ka laɲini ye jumɛnw ye?

An ka laɲiniw don nataw la, i n'a fo mɔgɔw y'a laɲini cɔgɔmi, o ye ka dɔ fara an ka kunnafonikɛnɛ waatiw kan ani farikoloɲɛnajɛ kunnafoniw fana.

RFI mandenkan ye san duuru sɔrɔ, an bɛ se k'aw ka baara bolodalen nata dɔw don wa?

Baaraw bolodalen nataw ka ca kɔsɔbɛ, n'b'a daminɛ ni jɛmukanw ye fɔlɔ, an ye dɔ fara jɛmukanw kan, ka dɔ fara jɛmukanw waatiw fana kan.

Nin bɛɛ ye jɛmukan ye, minnu ye sanga 10 ye, u bɛ fara kunnafoniw kan. An ye dɔ fara an ka kunnafonikɛnɛw fana kan.

Anw ni Faransikan mɔgɔw ka baara bolodalenw bɛɛ ye kele ye, bawu an ye Faransikan mɔgɔw ladege, i n'a fo nin jɛmukanw ninnu:

Kɛnɛya jɛmukan, a tun bɛ lase Maimouna ZERBO fɛ, sisan a bɛ lase Issouf ZERBO de fɛ;

Kuma bɛ aw bolo bɛ lase Mai SANOGO fɛ;

Kalanso sira kan bɛ lase Nama DIARRA fɛ;

Musow ka kɛnɛ bɛ lase Leila MANDE fɛ;

An ka lamini lamɛn bɛ lase Sory IBRAHIM fɛ;

Farafinna sɔrɔ ko bɛ lase Seydou ABOUBACAR fɛ;

Kan jumɛn bɛ yɛn?, bɛ lase Sadio DOUCOURE fɛ;

Dɔgɔkun kibaruw bɛ lase Oumarou YERO fɛ.

O t'a bɛɛ ye, Alain FOKA ka jɛmukan Faransikan na ''Archive d'Afrique'', Farafinna ko ba tɛmɛnɛw, o bɛna lase anw ma mandenkan na Oumaro YERO don nataw la.

Nin jɛmukanw bɛɛ bɛ sɔrɔ fana rfi fulfulde kan.

RFI mandenkan lamɛnbagaw k’u b’a fɛ, dɔ ka fara kunnafonidi waatiw kan. E bɛ jabi jumɛn di o ko kan?

Nin Allah sɔnna, don nataw la, dɔ bɛna fara kunnafonidi waatiw ka, jɛmukanw ani farikoloɲɛnajɛ kunnafoniw.

I ni ce Safi LUNA !

N'b'a fɔ an lamɛn bagaw ye, k'u ni ce, u ni ce u ka kanu na, o de y' a belebele ye folo, Allah k'an bɛɛ kɛnɛ to ɲɔgɔn kɔrɔ, k'anw kɛnɛ to olu kɔrɔ, ka olu kɛnɛ to anw kɔrɔ.

Safi LUNA ni Sadio DOUCOURE ka masala kan jumɛn bɛ yɛn jɛmunkan kɛnɛ kan, u ye ɲɛfɔli k'aw ye rfi mandenkan kan
Safi LUNA ni Sadio DOUCOURE ka masala ''kan jumɛn bɛ yɛn?'' jɛmunkan kɛnɛ kan, u ye ɲɛfɔli k'aw ye rfi mandenkan kan

rfi mandenkan ka jɛmunkaw

 

RFI DIƝƐ KANW !

Ka rfi mandenkan lamɛn bɔlɔlɔ siraw kan

Aw bɛ se ka rfi mandenkan sɔrɔ bɔlɔlɔ fɔrɔba barokɛyɔrɔ sanfɛ

rfi mandenkan facebook sanfɛ

rfi mandenkan twitter kan

Aw bɛ se fana k'an ka kunnafoniw walima jɛmunkanw lamɛn 

rfi mandenkan ka siti ''Site web''

An ka  jɛmunkanw ka telefɔni nimerow 

Kɛnɛya jɛmunkan: +221 76 644 12 61

 

Kuma bɛ aw bolo+221 76 644 12 79

 

Musow ka kɛnɛ: +221 76 644 12 73

 

An ka lamini lamɛn+221 76 644 12 75

 

Farafinna sɔrɔ ko: +221 76 644 12 81

 

Kan jumɛn bɛ yɛn?+221 77 262 41 41

 

Kalanso sira kan: +221 76 644 12 77