KO KURA RFI MANDENKAN KAN

Alamusa ''Janvier'' kalo tile 14 kɛra donba ye rfi fɛ

Kumakanw 01:46
rfi ''Directrice'' Cécille Médie,  Anne, rfi mandenkan ni rfi fulfulde kunnafonidilaw ''Dakar'' ''Sénégal'' faba la.
rfi ''Directrice'' Cécille Médie, Anne, rfi mandenkan ni rfi fulfulde kunnafonidilaw ''Dakar'' ''Sénégal'' faba la. © Anthony Ravera
A kɛbaga : Oumarou YERO
Sanga 5

Aw b'a kalama, rfi ye kibaruyaw damina fulakan na, n'o bi weele ko fulfulde. Dɔ farara rfi mandenkan ka kunnafoniw fana waati hakɛ kan. O baaraw bɛɛ lajɛnin bilali senkan kunnafonicarin kɛra ka bɛn alamusa ma. kunnafonicarinkɛnɛ sigira senkan  bɔlɔlɔ sanfɛ, ka bɔ Dakaru Sɛnɛgali jamana na.

Ganseli

yan, an bi rfi ka lukɛnɛ le kɔnɔ, Dakaru, Sɛnɛgali jamana na. rfi ɲamɔgɔbamuso, "Cécile MEGIE" ka fara ɲamɔgɔ wɛrɛw kan, o bi baaraw kɛcogo ɲafɔra jama ye. O jama, kunnafonidila mɔgɔ kɛmɛ saba (300) ɲɔgɔnna lo. O bi filɛli kɛra ka bɔ farafinna jamana tan ni duuru (15) la, bɔlɔlɔ barika la. Bɔlɔlɔ barika la fana, "France Médias Monde", rfi ni kunnafonidiso wɛrɛw bi cɛkɛdaba min kɔnɔ, ale ɲamɔgɔbamuso "Marie Christine SARAGOSSE" ni barokɛla wɛrɛw bi Faransi, n'o tali kɛra nin kunnafonicarinkɛnɛ kan.

rfi mandenkan ni fulfulde sigira cogo min, kunnafonidilaw tara cogo min, o baaraw ɲamɔgɔbamuso,

Anne Marie CAPOMACCIO y'o ɲafɔ jama ye

Nin baara in kanma, an ye kunnafonidila bisaba (30)  ɲɔgɔn de sugandi. U bɛ bɔ jamana caaman na. An y'a gɛlɛya u ma kosɛbɛ, u k'u jija, u bɛɛ ka se ka kan fila mɛn, n'o ye tubabukan ani mandenkan ye, walima tubabukan ani fulakan, wa min ye cɛɛw ni musow ye, u hakɛya bɛɛ ye kelen ye, nin baara in kadara kɔnɔ.

rfi ni Farafinna gɛrɛlendon ɲɔgɔn na kunnafonidi sira fɛ, an b'a fɛ o danaya yɛrɛ de tɔ ka sinsi. O de la, an bɛ kunnafoni di kan caman na.

Marie Christine SARAGOSSE, '' France Médias Monde'' ɲɛmɔgɔba

Rfi mandekan ni fulfulde bi jamukan caaman labɛn kaan fila nin na. kunnafonidila minw bi filɛli kɛra fana, o ye ɲiningaliw kɛ ka taga mandenkan ni fulfulde le kan, o bi baara kɛ ɲɔgɔn fɛ cogo di? lamɛnikɛlaw b'o faamu cogo di? "Frédéric GARAT, rfi fulfulde ni mandenkan koɲanabɔla, ka fara "Marie Christine SARAGOSSE" ani kunnafonidila wɛrɛw kan, olu le ye ɲiningaliw jaabi.

Baaraw kɛcogo  ɲaana, mɔgɔ caman sera ka talikɛ a ra, kunnafoni caaman sera ka lase jama ma,  o koo diyara "Marie Christine SARAGOSSE"  kosɔbɛ, "France Médias Monde" ɲamɔgɔbamuso.