"Juin" kalo tile duuru, lamini lakandali don kɛrɛnkɛrɛnnen diɲɛ kɔnɔ

Ecolibri tɔndenw ka jirituru Dakar, lamini lakandali hokumu kɔnɔ.
Ecolibri tɔndenw ka jirituru Dakar, lamini lakandali hokumu kɔnɔ. © Leila MANDE

Kunu "juin" kalo tile duuru tun ye lamini tɔgɔla don kɛrɛnkɛrɛnnen ye. Sénégal tɔn min  bɛ lamini lakandali kama, n'a tɔgɔ bɛ "Ecolibri", ani "Europe" tɔnba y'o don kelen in de sugandi ka jiri turu dɔ kɛ Dakar dugu kɔnɔ.

Ganseli

A laɲini ye ka ɲama ni ɲogɔw bɛ yɔrɔ minnu na duguba kɔnɔ k'olu labɛn ka kɛ fɔɲonsanman yɔrɔ ye. O jiri turun kɛla OUAKAM misiri mi tɔgɔ bɛ ""mosquée de la divinité fan la. 

Ɲina lamini tɔgɔla don kɛrenkɛrennen in  bɛ talikɛ, taabolo kuraw de kan lamini lakandali la. Jɛkulu "Ecolibri " ka dɛmɛbagaw  ye jiri wa duuru de turu nin don kɛlen in kama Dakar "Sénagal" faaba la. Nin y'a siyɛn folɔ ye o ka kɛ.

Kɛnɛ in kan fana, lamini lakandabaga caman tun bɛ yen i n'a fɔ El Ali Haidar, ale ye Senegali cakɛda min bɛ jiri turu  kama ani "grande muraille verte" hakilinaɲuman lakɔlɔsilibaga fana dɔ ye . 

Lamini tɔgɔla don kɛrenkɛrennen sugandila diɲɛ tɔnba fɛ. "Juin" kalo tile duuru san ba kɛlen ni kɛmɛ kɔnɔtɔn ani biwolofila ni naani. San o san o don kelen in na hakilijigiw bɛ kɛ lamini lakandali nafaw la diɲɛ bɛɛ kɔnɔ.