Pata taarifa kuu
SUDANI KUSINI-SALVA KIIR-RIEK MACHAR

Salva Kiir amtolea wito Riek Machar kuja kwenye meza ya mazungumzo

Salva Kiir amefanya mkutano na waandishi wa habari katika Ikulu ya rais mjini Juba, Julai 14, 2016, siku chache baada ya mapigano kati ya wafuasi wa rais wa Sudan Kusini na wale wa Makamu wake Riek Machar.
Salva Kiir amefanya mkutano na waandishi wa habari katika Ikulu ya rais mjini Juba, Julai 14, 2016, siku chache baada ya mapigano kati ya wafuasi wa rais wa Sudan Kusini na wale wa Makamu wake Riek Machar. REUTERS/Stringer
Ujumbe kutoka: RFI
Dakika 2

Rais wa Sudan Kusini Salva Kiir amemtaka mpinzani wake na Makamu wake wa kwanza wa rais Riek Machar kuja katika meza ya mazungumzo ili kupata mwafaka, baada ya watu zaidi ya 300 kupoteza maisha katika mapigano yaliyozuka mwishoni mwa juma lililopita jijini Juba.

Matangazo ya kibiashara

Akizungumza kwa mara ya kwanza, rais Kiir amesema hataki tena kushuhudia umwagaji damu nchini humo na kumtaka Machar kuwa karibu naye ili kwa pamoja wakubaliane namna ya kuzuia mapigano kama haya katika siku zijazo.

Rais Kiir ametoa kauli hiyo baada ya kukutana na kiongozi wa waangalizi wa utekelezwaji wa mkataba wa amani rais wa zamani wa Bostwana Festus Mogae na Mjumbe maalum wa Umoja wa Afrika nchini humo Alpha Oumar Konare, katika Ikulu ya Juba.

Riek Machar tayari ameondoka jijini Juba, na hakuna anayefahamu alipo lakini rais Kiir amesema alizingumza naye asubuhi ya leo lakini Machar hakuonesha dalili zozote za kurejea.

Ukurasa haipatikani

Maudhui unayojaribu kuyatafuta hayapatikani kwa sasa au yamekwishaondolewa.