Pata taarifa kuu
GABON-SIASA

Mazungumzo ya kisiasa nchini Gabon kuendelea hadi tarehe 25 mwezi Mei

Rais Ali Bongo (kushoto) na kiongozi wa upinzani Jean Ping (Kulia)
Rais Ali Bongo (kushoto) na kiongozi wa upinzani Jean Ping (Kulia) rfi
Ujumbe kutoka: Victor Melkizedeck Abuso
Dakika 2

Serikali ya Gabon imetangaza kuongeza muda wa kuendelea kwa mazungumzo ya kisiasa nchini humo baada ya Uchaguzi Mkuu mwaka uliopita.

Matangazo ya kibiashara

Mazugumzo hayo ya kitaifa yaliyozinduliwa na rais Ali Bongo , yalitarajiwa kumalizika leo lakini sasa waandalizi wamesema siku ya mwisho ni tarehe 25 mwezi huu.

Imebainika kuwa sababu ya kuahirishwa kuhitimishwa kwa mazungumzo haya ni kuendelea kutafuta mwafaka kuhusu maswala muhimu hasa mabadiliko ya taasisi mbalimbali hususan shughuli za Tume ya Uchaguzi.

Serikali imekuwa ikisema kuwa vyama 50 vya siasa na mashirika ya kiraia vinashiriki katika mazungumzo haya ambayo yalisusiwa na mpinzani wake wa karibu Jean Ping aliyedai kushinda Uchaguzi wa mwaka jana.

Mbali na mabadiliko katika Tume ya Uchaguzi, suala lingine linalojadiliwa ni mihula ya rais kuwa madarakani. Kwa sasa rais anahudumu kwa muhula wa miaka saba.

Jean Ping ambaye ameendelea kukataa kumtambua Bongo kama rais wa nchi hiyo, wiki hii alimtumia barua ya pongezi kwa rais mpya wa ufaransa Emmanuel Macron.

Ukurasa haipatikani

Maudhui unayojaribu kuyatafuta hayapatikani kwa sasa au yamekwishaondolewa.