Pata taarifa kuu
BURKINA FASO-HAKI

Burkina Faso: Wafungwa 12 wanaotuhumiwa ugaidi wapatikana wamefariki dunia katika jela

Eneo la Tanwalbougou linapatikana kilomita 40 kutoka mji wa Fada N'Gourma.
Eneo la Tanwalbougou linapatikana kilomita 40 kutoka mji wa Fada N'Gourma. Google Maps
Ujumbe kutoka: RFI
1 Dakika

Wafungwa 12 waliokuwa wakizuiliwa katika kituo cha polisi cha Tanwalbougou katika mkoa wa mashariki mwa Burkina Faso wamepatikana wamekufa katika jela hilo. Tukio hilo lilitokea usiku wa Mei 11 kuamkia Mei 12 walipokuwa kizuizini. Uchunguzi umeanzishwa ili kujuwa sababu za tukio hilo.

Matangazo ya kibiashara

Kwa mujibu wa vyanzo kadhaa, watu ishirini na tano walikamatwa na vikosi vya ulinzi na usalama usiku wa Mei 11 kuamkia Mei 12. Watu hao ambao walikuwa wakishtumiwa ugaidi, walikuwa kizuizini katika kituo cha polisi huko Tanwalbougou, kilomita 40 kutoka mji wa Fada N'Gourma.

Saa chache baadae wafungwa kumi na mbili kati yao walifariki dunia. "Walifariki dunia usiku kwa kukosa hewa walipokuwa wakizuiliwa sehemu moja," kilisema chanzo cha usalama, kabla ya taarifa kutoka kwa mwendesha mashitaka. Chanzo hicho kimeongeza kuwa waliokamatwa walipaswa kuhojiwa kabla ya kupelekwa katika jela kuu.

Uchunguzi umeanzishwa. Maafisa wa polisi tayari wamezuru eneo hilo kwa ukaguzi zaidi wakiandamana na maafisa wa afya, alisema mwendesha mashtaka wa Faso.

Muungano wa mashirika ya kiraia umehoji kuhusu mazingira ambapo watu hao kumi na mbili waliuawa.

Ukurasa haipatikani

Maudhui unayojaribu kuyatafuta hayapatikani kwa sasa au yamekwishaondolewa.