Pata taarifa kuu
MAREKANI-UFARANSA

Mkuu wa IMF Dominique Strauss Khan Ajiuzulu kutoka uadhifa wake

Dominique Strauss-Kahn
Dominique Strauss-Kahn
Ujumbe kutoka: Ali Bilali
Dakika 2

Mkuu wa shirika la fedha duniani, Dominique Strauss Kahn amejiuzulu.Taarifa hiyo ya kujiuzulu kwa Strauss Kahn imechapishwa katika wavuti wa shirika hilo. DSK amesema amejiuzulu ili atumie muda uliobakia kujitetea katika kesi inayomkabili ya kujaribu kumbaka mwanamke mmoja mjini New York.

Matangazo ya kibiashara

Strauss Kahn ametuma taarifa yake kwa bodi ya shirika hilo. Amesema kuwa anakanusha mashtaka yote dhidi yake na amesikitishwa na kisa hicho kilichomkabili. Shirika hilo limesema kuwa litatangaza hivi karibuni utaratibu wa kumteua mkurugenzi mpya. Kwa sasa John Lipsky ataendelea kuwa kaimu Mkurugenzi mkuu wa IMF.

Awali waziri wa fedha wa Marekani amesema kuwa mkuu wa shirika la fedha duniani IMF, Dominique Strauss-Kahn, ambaye anakabiliwa na mashtaka ya kujaribu kumbaka mhudumu wa hoteli, hawezi tena kuendesha shughuli za shirika hilo.

Timothy Geithner ametoa wito kwa IMF kumteua rasmi kaimu mkuu wa shirika hilo. Strauss-Kahn anazuiliwa katika jela moja mjini New York baada ya kukamatwa hapo jumamosi kwa kosa la kujaribu kumbaka mhudumu wa hoteli moja.

Strauss-kahn ambaye amezuiliwa katika gereza la wafungwa sugu la Rikers Islands mjini New York yupo chini ya ulinzi mkali kuchunga asijiue. Hii ni baada ya kufanyiwa uchunguzi wa kimatibabu.

Wakili wa mwanamke huyo kutoka Guinea, Afrika Magharibi, anayemtuhumu Strauss-Kahn, amesema mteja wake amepata mshutuko ambao sio wakawaida. Wakili huyo ameongeza kuwa kwa sasa yupo mafichoni na kwamba anajihisi ''Yuko pekee duniani''.

Strauss-Kahn, mwenye umri wa miaka 62, anakabiliwa na mashtaka saba dhidi yake na iwapo atapatikana na hatia, atahukumiwa kifungo cha hadi miaka 25 jela.

Ukurasa haipatikani

Maudhui unayojaribu kuyatafuta hayapatikani kwa sasa au yamekwishaondolewa.