Pata taarifa kuu
SUDANI KUSINI-RIEK MACHAR

Nafasi ya Riek Machar kuchukuliwa na mtu mwengine

Rais wa Sudan Kusini Salva Kiir na Makamu wake wa kwanza Riek Machar, katika Ikulu ya Juba, Aprili 26, 2016.
Rais wa Sudan Kusini Salva Kiir na Makamu wake wa kwanza Riek Machar, katika Ikulu ya Juba, Aprili 26, 2016. REUTERS/Stringer
Ujumbe kutoka: RFI
Dakika 2

Waziri wa Habari na msemaji wa serikali ya Sudan Kusini Michael Makuei Lueth amesema nafasi ya Makamu wa kwanza ya rais Riek Machar ambaye aliondoka jijini Juba baada ya kuzuka kwa mapigano wiki mbili zilizopita, inaweza kuchukuliwa na mtu mwingine kutoka upande wake kwa mujibu wa mkataba wa amani uliotiwa saini mwaka uliopita.

Matangazo ya kibiashara

Kumekuwa na uvumi jijini Juba kuwa huenda nafasi ya Machar ikachukuliwa na mwanasiasa mwingine ikiwa hatarejea Juba kwa mujibu wa Gazeti la Sudan Trubune.

Wakati huo huo, rais Salva Kiir amesema nchi yake haitakubali kuongozwa kwa wanajeshi wa kulinda amani nchini humo baada ya Umoja wa Afrika kupitisha azimio la kutumwa kwa wanajeshi wa kulinda amani nchini Sudan Kusini.

Hali ya wasiwasi imeendelea kuripotiwa nchini Sudan Kusini baada ya kutokea kwa mapigano makali kati ya wanajeshi wa serikali na wale wanaomuunga mkono Makamu wa rais Riek Machar. Licha ya pande mbli, Salva Kiir na Riek Machar, kuwasihi wanajeshi wao kusitisha mapigano na kurejea makambini, raia bado wana hofu ya kutokea kwa mapigano mengine.

Ukurasa haipatikani

Maudhui unayojaribu kuyatafuta hayapatikani kwa sasa au yamekwishaondolewa.