Pata taarifa kuu
MAREKANI-CHINA-BIASHARA-UCHUMI

Trump: Tutapendekeza kulipa dola bilioni 200 kwa bidhaa za China kwa 25%

Rais wa Marekani Donald Trump akionya kuhusu bidhaa kutoka China.
Rais wa Marekani Donald Trump akionya kuhusu bidhaa kutoka China. REUTERS/Jonathan Ernst
Ujumbe kutoka: RFI
Dakika 2

Utawala wa Trump unajiandaa kupendekeza kutoza ushuru wa 25% sawa na dola bilioni 200 (euro bilioni 171) kwa bidhaa kutoka China, na si 10% kama ilivyotangazwa hapo awali, kwa mujibu wa chanzo kilio karibu na kesi hiyo.

Matangazo ya kibiashara

Raismu ya malipo ya ushuru inaweza kutangazwa Jumatano huko Washington, chanzo hicho kimeongeza.

Mwezi uliopita, serikali ya Marekani ilichapisha orodha ya bidhaa ambazo zitatozwa ushuru huo, ikiwa ni pamoja na mamia ya bidhaa za chakula na tumbaku, makaa ya mawe, kemikali au bidhaa za kielektroniki.

Awali mjumbe wa Marekani katika sekta ya Biashara, Robert Lighthizer, alitangaza kwamba ushuru utakuwa wa 10%.

Wakati huo huo, Marekani imehitimisha mkataba wa kibiashara na Umoja wa Ulaya wakati wa mkutano kati ya Donald Trump na Jean-Claude Juncker, na Washington imesema kuwa Umoja wa Ualaya wameahidi kusaidia kuweka shinikizo kwa China.

Beijing haijajibu bado tishio jipya kutoka kwa utawala wa Trump lakini serikali ya China ilionya mwezi uliopita kwamba iko tayari kujibu kwa hatua yoyote ya Marekani kuongeza ushuru.

Kwa mujibu wa shirika la habari la Bloomberg, likinukuu vyanzo vilivyo karibu na suala hilo, Waziri wa Fedha wa Marekani Steven Mnuchin na Naibu Waziri Mkuu wa China Liu Yeye, walikutana kwa faragha siku za hivi karibuni ili kukubaliana juu kuanza tena kwa mazungumzo.

Donald Trump alionya kwamba zaidi ya dola bilioni 500 (euro bilioni 425) za bidhaa kutoka China, sawa na karibu bidhaa zote za Marekani kutoka China, zinaweza kutozwa ushuru.

Ukurasa haipatikani

Maudhui unayojaribu kuyatafuta hayapatikani kwa sasa au yamekwishaondolewa.