Ukraine: Urusi yakanusha tuhuma dhidi yake

Imechapishwa: 14/11/2014 - 10:04

Rais wa Urusi,Vladimir Putin, wakati wa mkutano na vyomba vya habari mjini Minsk, lAgosti 27 mkwaka 2014 baada ya kukutana kwa mazungumzo na rais wa Ukraine, Petro Porochenko. REUTERS/Alexander Zemlianichenko/Pool

Ujumbe kutoka: RFI

1 Dakika

Serikali ya Urusi imekanusha na kutupilia mbali madai ya nchi za magharibi kuwa inaendelea kupeleka vifaa zaidi vya kijeshi mashariki mwa Ukraine.

Matangazo ya kibiashara

Mataifa ya magharibi yamebaini hivi karibuni kwamba mwenendo huo wa Urusi unaweza kuchochea mgogoro uliopo baina ya Ukraine na waasi waliojitenga.

Kauli hii ya urusi imetolewa baada kamanda wa majeshi ya kujihami ya nchi za magharibi NATO kutoa kauli ya kuishutumu Urusi kwa kupeleka vikosi na vifaa vya kijeshi nchi Ukraine.

Msemaji wa wizara ya mambo ya nje wa Urusi, Alexander Lukashevich ameviambia vyombo vya habari kuwa hakuna wanajeshi wao wanaopigana nchini Ukraine kama ambavyo imekuwa ikidaiwa na nchi za magharibi.

NATO kwa upande wake bado inashikilia msimamo kuwa Urusi inaendelea kuchochea mgogoro nchini Ukraine kwa kupeleka silaha na wapiganaji.

Hivi karibuni viongozi wa Ukraine walisema wamekua wakishuhudia hali hiyo, na kwa sasa wamejiandaa kwa vita dhidi ya kile walichokiita uvamizi wa majeshi ya Urusi.