Pata taarifa kuu
UINGEREZA-EU

Mahakama ya juu yaamua Wabunge nchini Uingereza wajadili mchakato wa kujiondoa EU

Jengo la Mahakama ya Juu jijini London nchini Uingereza
Jengo la Mahakama ya Juu jijini London nchini Uingereza REUTERS/Toby Melville
Ujumbe kutoka: Victor Melkizedeck Abuso
1 Dakika

Mahakama ya Juu nchini Uingereza imeamua kuwa ni lazima wabunge nchini humo wajadili na kupigia kura mchakato wa nchi yao  kujiondoa kwenye Umoja wa Ulaya.

Matangazo ya kibiashara

Uamuzi huu wa Mahakama unamaanisha kuwa Waziri Mkuu Theresa May hawezi kuanza mazungumzo ya kujiondoa kwenye umoja huo kabla ya suala hili kujadiliwa na kupigiwa kura na wabunge.

Uingereza imepewa hadi mwisho wa mwezi Machi kuanza mchakato wa kujiondoa kwenye Umoja huo baada ya raia wa nchi hiyo mwaka uliopita, kujiondoa kuwa wanachama baada ya kufanyika kwa kura ya maoni.

Hata hivyo, Mahakama hiyo imeamua kuwa Mabunge ya Scotland, Wells na Ireland Kaskazini hayana umuhimu wa kujadili na kulipigia kura suala hili.

Baadhi ya wanasiasa nchini Uingereza wamekuwa wakisema serikali kuanza mchakato huo bila ya kuihusisha bunge, ni kinyume cha miiko ya kidemokrasia nchini humo.

Serikali ya Uingereza ilikwenda katika Mahakama ya Juu kutaka Majaji watoe uamuzi kuwa ina mamlaka ya kuendelea na mchakato huo lakini hata kabla ya uamuzi huu, ilisema itaheshimu uamuzi wa Mahakama.

Majaji nane waliamua kuwa mchakato huo uanzie Bungeni huku watatu wakipinga.

 

Ukurasa haipatikani

Maudhui unayojaribu kuyatafuta hayapatikani kwa sasa au yamekwishaondolewa.